یہ صفحہ دوست کو ای میل کیجیئے		پرِنٹ کریں

پاکستان اور بنگلہ دیش کے درمیان پہلا ایک روزہ میچ منگل کو ملتان میں ہوگا جہاں انضمام نے کچھ روز قبل شاندار سنچری بنا کر پاکستان کو ٹیسٹ میچ میں شکست سے بچایا تھا۔

راشد لطیف کے خلاف بنگلہ دیش کی ٹیم کی طرف سے سپورٹس مین اسپرٹ کا مظاہرہ نہ کرنے کی بنیاد پر درخواست دائر کی گئی تھی۔ راشد لطیف نے تیسرے ٹیسٹ میں بنگلہ دیش کے بیٹسمین الوک کپالی کے خلاف کیچ کی اپیل کی تھی جسے ایمپائر نے قبول کر لیا تھا۔ بعد میں ایکشن ریپلے سے ثابت ہوا کہ گیند راشد لطیف کے دستانوں میں پہنچنے سے پہلے زمین سے ٹکرا گئی تھی۔

پاکستانی کرکٹ بورڈ کے حکام نے راشد لطیف پر لگائی گئی پابندی کے خلاف اپیل نہ کرنے کا فیصلہ کیا ہے۔ راشد لطیف چھبیس ستمبر سے جنوبی افریقہ کے خلاف شروع ہونے والی سیریز میں شامل ہوں گے۔ راشد کی جگہ کامران اکمل بنگلہ دیش کے خلاف ایک روزہ میچوں میں وکٹ کیپنگ کریں گے۔

انضمام الحق اس سے پہلے گزشتہ سال وقار یونس کی غیر حاضری میں زمبابوے کے خلاف دو ایک روزہ میچوں میں اور دو سال قبل معین خان کی جگہ نیوزی لینڈ کے خلاف ایک ٹیسٹ میچ میں کپتانی کر چکے ہیں۔

کپتان بننے کے بعد انضمام نے کہا ہے کہ اینہیں راشد لطیف کے خلاف پابندی لگنے کا افسوس ہے اور ٹیم راشد کے لئے بنگلہ دیش کے خلاف ایک روزہ میچوں کی سیریز جیتے گی۔