 |
 |
 |
 |
 |
 |
 |
 |
|
 |
 |
 |
|
 |
 |
 |
 |
 |
 |
 |
 |
 |
 |
 |
 |
|
|
| عراق:گمشدہ یورینیم برآمد | |
 معائنہ کاروں نے فروری میں مختلف تنصیبات کا دورہ کیا تھا۔ |
|
| اقوام متحدہ کے جوہری توانائی کے ادارے کا کہنا ہے کہ اسے وہ سارا یورینیم مل گیا ہے جس کے بارے میں خدشہ تھا کہ اسے عراق کے سب سے بڑے جوہری پلانٹ سے چوری کر لیا گیا ہے۔ آئی اے ای اے کی ترجمان ملیسا فلیمنگ نے کہا ہے کہ ان کے ادارے کو وہ سارا یورینیم مل گیا ہے جو جنگ کے دوران لاپتہ ہوگیا تھا۔ اقوام متحدہ کے ادارے کی ایک ٹیم نے اس ماہ کے شروع میں تویتا میں قائم عراق کی سب سے بڑی جوہری تنصیبات کا دورہ کیا تھا تاکہ جوہری مواد کی اقوام متحدہ کو مہیا کی گئی فہرستوں کے مطابق جانچ کی جا سکے اور ادھر ادھر بکھرے ہوئے جوہری مواد کو اکٹھا کیا جا سکے۔ اس ٹیم کی تیار کردہ رپورٹ کا ابھی منظر عام پر آنا باقی ہے۔ جنگ کے دوران تویتا کے ایٹمی پلانٹ کو بری طرح لوٹا گیا تھا اور ان ڈرموں کے بارے میں خاص طور پر تشویش کا اظہار کیا جا رہا تھا جن میں ماضی میں کم افزردہ یورینیم یا پیلا کیک ذخیرہ کیا جاتا تھا۔ لٹیروں نے ان ڈرموں کو خالی کرکے مقامی لوگوں میں بیچ دیا تھا جو انہیں پینے کا پانی یا خوراک ذخیرہ کرنے اور کپڑے دھونے کے لئے استعمال کر رہے تھے۔ ایک اندازے کے مطانق جنگ کے دوران تویتا کے ایٹمی پلانٹ سے ایک اعشاریہ آٹھ ٹن کم افزردہ یورینیم اور پانچ سو ٹن خام یورینیم لاپتہ ہو گیا تھا۔ اگرچہ یورینیم کو ذخیرہ کرنے والے بیس فیصد ڈرم چوری ہو گئے تھے لیکن ایسا دکھائی دیتا ہے کہ لٹیروں نے ڈرم لے جانے کے پہلے یورینیم کو پھینک دیا تھا۔ |
