 |
|
|
|
| لڑکیوں کی حراست کےخلاف مظاہرے |
بھارت کے زیرِ انتظام کشمیر میں خون کی جنگ جاری ہے
|
بھارت کے زیرِ انتظام کشمیر میں ہزاروں افراد نے بھارتی فوج کے ہاتھوں دو لڑکیوں کی گرفتاری کے خلاف احتجاج کر رہے ہیں۔
یہ احتجاج سری نگر سے پچاس کلومیٹر دور بارہ مولا کے مقام پر ہوا۔
ایک پولیس افسر نے کہا کہ لڑکیوں کو شدت پسندوں کی مدد کرنے کے الزام میں گرفتار کیا گیا ہے۔
تاہم مقامی افراد کا کہنا ہے کہ فوجی غلط طور پر لڑکیوں کو ملوث کرنے کی کوشش کر رہے ہیں۔
دریں اثناء کل سری نگر میں قتل کیے جانے والے صحافی پرواز محمد سلطان کو ہزاروں افراد کی موجودگی میں ان کے آبائی قصبے خرم میں آج سپردِ خاک کر دیا گیا۔ پرواز محمد ایک مقامی خبر رساں ایجنسی نیوز اینڈ فیچر الائنس (نافا) کے مدیر تھے۔
خبر رساں ایجنسی اے ایف پی کے مطابق تقریباً پانچ ہزار افراد نے ان کے جنازے میں شرکت کی۔
پولیس کے مطابق ان کے قتل کے پیچھے شدت پسندوں کا ہاتھ ہے۔ تاہم کسی گروہ نے ابھی تک ان کی موت کی ذمہ داری نہیں لی۔ |
|
|
