 |
 |
 |
 |
 |
 |
 |
 |
|
 |
 |
 |
|
 |
 |
 |
 |
 |
 |
 |
 |
 |
 |
 |
 |
|
||||||||||||||||||
| مشترکہ یا جداگانہ؟ | ||||||||||||||||||
 امیدوار کے لیئے حلف نامہ کی ایک کاپی |
||||||||||||||||||
| تحریر: عارف شمیم، بی بی سی اردو آن لائن جوں جوں پاکستان میں انتخابات قریب آتے جا رہے ہیں اس کے ساتھ ساتھ پاکستان کے عوام اور انتخابی امیدواروں کی مشکلات میں اضافہ ہوتا جا رہا ہے۔
پہلے تو پاکستان کی سیاست کے ’بڑے‘ الیکشن سے باہر ہوئے اور اس کے بعد اکتوبر انتخابات کے لیئے لگایا جانے والا سب سے بڑے نعرے یعنی مشترکہ انتخابات میں بھی ترمیم کرنی پڑی۔ حکومت نے جداگانہ انتخابات کو ختم کر کے مشترکہ انتخابات کا اعلان تو بڑے زور و شور سے کیا تھا لیکن اس اعلان کی واپسی انتہائی خاموشی سے کی گئی۔ اور وہ بھی اس طرح کے اسے سمجھنے کے لیئے بھی کافی دماغ لڑانے کی ضرورت چاہئیے۔ پاکستان کے الیکشن کمیشن نے ایک نوٹیفیکیشن کے ذریعے اعلان کیا کہ یوں تو یہ انتخابات مشترکہ بنیادوں پر لڑے جائیں گے لیکن احمدیہ کمیونٹی کو مشترکہ انتخابات کی فہرست سے نکال کر ایک دوسری فہرست میں ڈال دیا گیا ہے۔ مطلب یہ ہوا کہ ان کے لیئے اکتوبر کو ہونے والے انتخابات اب بھی جداگانہ بنیادوں پر لڑے جائیں گے۔ سرکاری ذرائع نے اس کا جواز پیش کرتے ہوئے کہا ہے کہ پہلے تو مشترکہ فہرست کا فیصلہ کیا گیا تھا لیکن بعد میں ایک خصوصی حکم کے تحت احمدی برادری پر اعتراضات کی وجہ سے ان کو اس فہرست سے باہر نکال دیا گیا۔ اب صورتِ حال یہ ہے کہ پاکستان کی باقی سب اقلیتیں تو مشترکہ فہرست میں ہیں لیکن احمدی کمیونٹی کے لیئے فہرست جدا ہے۔ احمدی برادری نے اس اچانک فیصلے پر احتجاج کرتے ہوئے فیصلہ کیا ہے کہ وہ اکتوبر کے انتخابات میں حصہ نہیں لیں گے اور نہ ہی عدالت میں اس فیصلے کو چیلنج کریں گے۔ احمدیہ کمیونٹی کے ایک ترجمان راجہ غالب احمد کہتے ہیں کہ یہ ایک مضحکہ خیز بات لگتی ہے کہ ہندو، سکھ، عیسائی، اور بدھ مت تو ایک لسٹ میں مسلمانوں کے ساتھ اور احمدی دوسری لسٹ میں کر دیے گئے ہیں۔ احمدیہ برادری نے صدر پاکستان جنرل پرویز مشرف اور
خط میں کہا گیا ہے کہ الیکشن کمیشن کا یہ فیصلہ جو صرف احمدیوں کے خلاف انصاف اور جمہوریت کی روح کے منافی ہے۔ احمدیہ کمیونٹی نے کہا کہ کیونکہ کہ انتخابات کے طریقۂ کار میں کوئی تبدیلی نہیں ہوئی ہے اس لیئے احمدی برادری اپنے اصولی موقف پر قائم رہتے ہوئے جاداگانہ انتخابات کا بائیکاٹ کرتی ہے۔ تاہم راجہ غالب احمد نے بی بی سی سے بات کرتے ہوئے کہا کہ ابھی بھی وقت ہے اگر حکومت چاہے تو وہ اپنا فیصلہ واپس لے سکتی ہے۔ احمدیہ برادری کے مطابق حکومت نے احمدیوں کے لیئے جداگانہ فہرست کا فیصلہ صرف مذہبی قدامت پسندوں کے کہنے پر کیا ہے حالانکہ وہ بھی ایک اقلیت ہیں۔ یاد رہے کہ صدر مشرف کے مشترکہ انتخابات کے اعلان کے بعد پاکستانی اقلیتوں میں ان کی مقبولیت کافی بڑھ گئی تھی اور اسی بنیاد پر صدارت کے لیئے ہونے والے ریفرنڈم میں اقلیتیوں نے بڑھ چڑھ کر حصہ لیا تھا۔ |
||||||||||||||||||
