 |
|
|
|
| نعلین مبارک چوری |
بادشاہی مسجد سولہ سو چوہتر میں تعمیر ہوئی
|
لاہور کی تاریخی بادشاہی مسجد میں موجود اسلامی
نوادرات میں سے نعلین مبارک کا ایک جوڑا چوری کرلیا گیا ہے۔
بظاہر یہ واقعہ بدھ کی رات پیش آیا جب مسجد میں کام کرنے والے ایک چوکیدار نے دیکھا کہ جس شوکیس میں نبی پاک سے منسوب نعلین (کھڑاؤں) رکھے ہوئے تھے وہ ٹوٹا ہوا ہے اور اس میں سے نعلین غائب ہیں۔
واقعہ کی رپورٹ قریبی تھانے میں درج کروا دی گئی ہے۔
ایک اعلٰی پولیس افسر کا کہنا تھا کہ چونکہ یہ معاملہ حساس نوعیت کا ہے اس لئے اس کے بارے میں سردست کچھ نہیں کہا جا سکتا۔
جبکہ لاہور کے ضلعی ناظم میاں عامر محمود نے ایک بیان میں اسے افسوسناک قرار دیا ہے اور کہا ہے کہ یہ حکومت کو غیر مستحکم کرنے کی کوشش ہو سکتی ہے۔
ان نوادرات کو حضرت محمد صلی اللہ وسلم سے منسوب تصور کیا جاتا ہے۔ اور یہی وجہ ہے کہ اس کی اہمیت عقیدہ کی بنیاد پر زیادہ ہے۔
بادشاہی مسجد لاہور کی تعمیر اورنگ زیب عالمگیر کے حکم پر سولہ سو چوہتر میں کی گئی تھی۔ |
|
|
