-
امریکی گلوکارہ اور اداکارہ وٹنی ہوسٹن اڑتالیس برس کی عمر میں لاس اینجلس میں انتقال کر گئی ہیں۔ -
ہوسٹن ہمیشہ ہی سب سے زیادہ مقبول خاتون گلوکارہ رہیں۔ ان کے گانے ’آئی وِل آلویز لو یو‘ اور سیونگ آل مائی لوّ فار یو‘سب سے زیادہ پسند کیے گئے۔ -
تاہم وقت کے ساتھ ساتھ ان کی زندگی کئی مسائل کا شکار رہی جن میں ان کی گلوکار بوبی براؤن کے ساتھ کشیدہ ازدواجی زندگی شامل ہے۔ -
وٹنی ہوسٹن کا پس منظر روحانیت اور گرجا گھر میں مناجات خوانی سے بھرپور تھا۔ -
وٹنی ہوسٹن کی والدہ بھی مناجات خوانی کرتی تھیں۔ ان کی ایک کزن ڈائونی وارنک بھی گلوکارہ ہیں۔ -
انیس سو اسی اور نوے کی دہائی میں اپنے کیریئر کے عروج پر انہوں نے کئئ اعزازات حاصل کیے اور کئی مقبول انفرادی گانے اور البم دیئے۔ -
وٹنی ہوسٹن نے بطورِ اداکارہ بھی کئی فلموں میں کامیابی حاصل کی۔ -
نامہ نگاروں کا کہنا ہے کہ ہوسٹن کی موت بلاشبہ موسیقی کی دنیا کے گریمی ایواڈز پر اثر انداز ہوگی جو اتوار کو لاس اینجلس میں منعقد ہو رہے ہیں۔
~RS~a~RS~urdu~RS~q~RS~num_headlines=4&genre_name=rolling_news&genre_path=rolling_news&genre_link=1&genre_title=مختصر خبریں~RS~z~RS~21~RS~){kind=small}
