وسعت اللہ خان بی بی سی اردو ڈاٹ کام، اسلام آباد

	جامعہ حفصہ کی طالبات نے ایک خاتون شمیم اختر کو اپنی بیٹی، بہواور پوتی یرغمال بنا لیا تھا

مثلاً مسلم لیگ نواز کے حامی کہتے ہیں کہ نواز شریف اور واجپائی کی پاک بھارت تعلقات معمول پر لانے کی کوشش ناکام بنانے اور نواز شریف کو ایک شکست خوردہ وزیرِ اعظم دکھانے کے لئے کارگل کو نقلی پرندے کے طور پر استعمال کیا گیا۔

اسی طرح جب آٹھ اکتوبر دو ہزار پانچ کے زلزلے کے بعد بروقت امدادی کاروائیوں میں ناکامی اور عدم منصوبہ بندی کے بارے میں حکومت کو این جی اوز اور زلزلہ متاثرین کی جانب سے مسلسل تنقید کا نشانہ بننا پڑا تو توجہ بٹانے کے لئے صدرِ مملکت نے کالا باغ ڈیم کی حمایت میں تقاریر کا سلسلہ شروع کردیا۔اور سندھ اور سرحد کے قوم پرستوں کے ساتھ ساتھ میڈیا کی توجہ بھی زلزلے سے ہٹ کر وفاق کے مستقبل اور صوبائی حقوق کی جانب موڑ دی گئی۔اور پھر کالا باغ کا معاملہ غیر محسوس طور پر پس منظر میں چلا گیا۔

جب نو مارچ کو جسٹس افتخار چودھری کو معطل کیا گیا اور اسکا شدید ملک گیر ردِ عمل شروع ہوا تو ایک اور ٹوپی ڈرامہ شروع ہوگیا۔صوبہ سرحد کے شہر ٹانک پر سینکڑوں مسلح طالبان نے حملہ کردیا جبکہ اسلام آباد کی سرکاری لال مسجد کے علما نے اپنے طلبا کو نزدیکی وڈیو آڈیو دوکانوں پر اور ڈنڈہ بردار طالبات کو آنٹی شمیم اختر کے گھر بھیج دیا   نقاد وکلا

حکومت کے نقاد متعدد وکلا کا خیال ہے کہ جب نو مارچ کو جسٹس افتخار چودھری کو معطل کیا گیا اور اسکا شدید ملک گیر ردِ عمل شروع ہوا۔میڈیا کی ساری توجہ اس مسئلے پر مرکوز ہوگئی تو ایک اور ٹوپی ڈرامہ شروع ہوگیا۔صوبہ سرحد کے شہر ٹانک پر سینکڑوں مسلح طالبان نے حملہ کردیا جبکہ اسلام آباد کی سرکاری لال مسجد کے علما نے اپنے طلبا کو نزدیکی وڈیو آڈیو دوکانوں پر اور ڈنڈہ بردار طالبات کو آنٹی شمیم اختر کے گھر بھیج دیا۔انہوں نے دو پولیس والے بھی پکڑ لیے لیکن انتظامیہ غیر معمولی تحمل دکھاتی رہی اور دکھا رہی ہے۔میڈیا پر کئی دنوں کے لئے یہ سوال چھاگیا کہ کیا اسلام آباد پر طالبان کا قبضہ ہونے والا ہے۔

نقاد وکلا کہتے ہیں کہ اسلام آباد میں طالبان سرکس وکلا کی تحریک کا جواب ہے۔اگر آج وکلا گھر بیٹھ جائیں تو طالبان بھی بیرکوں میں بھیج دئیے جائیں گے کسی اور وقت کے لئے۔