 |
|
 |
|
 |
|
|
|
|||||||||||||||||||||||||||||||||||||||||||||||||||||||||||||||||
| پورا منظر دیکھنے کے لیے کلک اور ڈریگ کریں ’جلد از جلد چھوڑنا چاہتا ہوں:‘ ایئر کرافٹ انجنیئر کی کہانی
میں بہت عرصہ پہلے ہی یہ جگہ چھوڑ چکا ہوتا لیکن ممبئی شہر بہت مہنگا ہے اور یہاں اپنی استطاعت کے مطابق رہائش ڈھونڈنا مشکل ہے۔ اگر مجھے قریب میں کوئی کمرہ پسند آتا ہے تو اس کا سکیورٹی ڈپازٹ اور کرایہ بہت زیادہ ہوتا ہے۔ اگر میں کسی ایسی جگہ جاتا ہوں جہاں کرایہ میرے بجٹ کے مطابق ہو تو کام پر جانے کے لیے میرا سفر دگنا ہو جاتا ہے۔ دھاروی ایک کچی آبادی ہے لیکن اس کے علاوہ مجھے یہاں رہنے میں کوئی شکایت نہیں۔ یہ ممبئی کے وسط میں ہے اور یہاں سے شہر کے کسی بھی حصہ میں جانا بہت آسان ہے۔
میں چھ دن کام کرتا ہوں اور مجھے دو چھٹیاں ملتی ہیں۔ بعض اوقات میں صبح سویرے کام کے لیے نکلتا ہوں اور آدھی رات کے بعد گھر لوٹتا ہوں۔ میری چھوٹی سی فیملی میں میری بیوی اور ایک چودہ سال کا بیٹا ہے۔ میری بیوی کام نہیں کرتی اور گھر کی دیکھ بال کرتی ہے۔ میرا بیٹا پڑھتا ہے۔ میں اتنا کما لیتا ہوں کہ جس میں ہمارا سکون سے گزارا ہو جاتا ہے۔ میں خرچے کے معاملے میں ذرا سخت ہوں اور کوشش کرتا ہوں کہ ہم اسی میں گزارا کریں جتنا میں کماتا ہوں تا کہ کسی سے مانگنا نہ پڑے اور ہم کچھ بچت بھی کر سکیں۔
اس بچت کا فائدہ اس وقت ہوتا ہے جب میرے بیٹے کی ٹیوشن فیس یا میڈیکل ایمرجینسی جیسے ضروری اخراجات اچانک پیدا ہوجاتے ہیں۔ ہم سفر نہیں کرتے اور زیادہ باہر نہیں جاتے اور کھانا گھر پر ہی کھاتے ہیں۔ اپنا پیسہ اپنے بیٹے کے اچھے مستقبل کے لیے بچانے کو میں ترجیح دیتا ہوں۔ مجھے دھاروی میں کچی آبادی بسانے کے پروگرام کے تحط ایک نئی بلڈنگ میں کمرہ دیا گیا ہے ۔ کمرہ اچھا ہے لیکن میں پھر بھی اس علاقے سے جانا چاہتا ہوں۔ |
|
|||||||||||||||||||||||||||||||||||||||||||||||||||||||||||||||||||
| |||
|
|
|
|
| |||
 |
^^ | |
|
