ریحانہ بستی والا بی بی سی اردو ڈاٹ کام ، ممبئی

	یہ ہڑتال دس روز پہلے شروع ہوئی تھی

اس سلسلے میں فیڈریشن آف ویسٹرن انڈیا سِنے ایمپلائز اور پروڈیوسرز اور براڈکاسٹرز کے درمیان ایک سمجھوتہ ہوا ہے۔ اس سمجھوتے کے تحت ملازمین کی تنخواہ میں اضافہ اور انہیں بہتر سہولیات کے ساتھ ہر شاٹ کے بعد کچھ دیر کے لیے بریک دیے جانے جیسے مطالبات منظور کر لیے گئے ہیں لیکن تنخواہ میں کتنا اضافہ کیا گیا ہے اس کے بارے میں ابھی یونین کچھ کہنے کے لیے تیار نہیں ہے۔

اب روزانہ ٹی وی سیرئیل دیکھنے والے پیر کے روز سے اپنا سیرئیل دوبارہ دیکھ سکیں گے

تین اکتوبر کو ورکرز اور پروڈیوسرز کے درمیان ملازمین کی تنخواہ میں چوبیس فیصد اضافہ کے سمجوتہ پر دستخط بھی ہو چکے تھے لیکن اس کے باوجود جب پروڈیوسرز نے نئے معاہدے کے تحت تنخواہ دینے سے انکار کر دیا تو ورکرز ہڑتال پر چلے گئے۔

پروڈیوسرز نے ورکرز کے ہڑتال پر جانے کے بعد ٹی وی چینلز سے دیگر سہولیات کا مطالبہ کر دیا۔ ان کا مطالبہ تھا کہ اگر وہ ورکرز کی تنخواہ میں اضافہ کرتے ہیں تو انہیں خسارہ ہوگا کیونکہ اس سے ٹی وی سیریئل کے ایک ایپیسوڈ کا خرچ بڑھ جائے گا۔

ٹیلی ویژن اور فلم انڈسٹری کے تقریباً ڈیڑھ لاکھ ملازمین نے دس نومبر سے ہڑتال شروع کی تھی۔