Advertisement
تازہ ترین خبریں
آخری وقت اشاعت: Wednesday, 4 november, 2009, 11:27 GMT 16:27 PST
میری نظر میں وہاں کوئی موثر حکومت کام ہی نہیں کر رہی:ایس ایم کرشنا
بھارت کے وزیر خارجہ ایس ایم کرشنا نے پاکستان کے ان الزمات کو مسترد کردیا ہے کہ بھارت وزیرستان میں سرگرم شدت پسندوں کی مدد کر رہا ہے۔
ایس ایم کرشنا کا کہنا ہے کہ پاکستان میں جو بھی کچھ ہورہا ہے وہ ’خود ان کے کرتوت کا نتیجہ ہے‘ اور وہاں موثر حکومت کا فقدان ہے۔
انہوں نے یہ بات پاکستانی فوج کے ترجمان میجر جنرل اطہر عباس کے اس بیان کے بعد کہی ہے جس میں کہا گیا تھا کہ شیر ونگئی کے علاقے سے پاکستانی فوج نے بھارتی ساخت کے ہتھیار، دھماکہ خیز مواداور بھارتی لٹریچر بر آمد کیا ہے۔ فوجی ترجمان نے کہا تھا کہ فوجی آپریشن کے دوران جو بھارتی ہتھیار اور مواد پکڑا گیا ہے، اس کے بارے میں دفتر خارجہ کو آگاہ کر دیا گیا ہے اور اب یہ دفترِخارجہ کا کام ہے کہ وہ کس طرح دوسری حکومتوں کے ساتھ معاملہ اٹھاتی ہے۔
اس سلسلے میں بھارتی وزیر خارجہ ایس ایم کرشنا نے خبر رساں ادارے پی ٹی آئی سے بات چیت میں کہا کہ ’جو بھی کچھ بلوچستان یا پاکستان کے اندر ہورہا ہے اس سے ہمارا کچھ بھی لینا دینا نہیں ہے۔ میرے خیال سے یہ سب ان کا خود کا کیا دھرا ہے‘۔ انہوں نے مزید کہا کہ ’میری نظر میں وہاں کوئی موثر حکومت کام ہی نہیں کر رہی ہے‘۔
خیال رہے کہ پاکستان کے قبائلی علاقے جنوبی وزیرستان میں فوج نے شدت پسندوں کے خلاف آپریشن شروع کر رکھا ہے اور اس کارروائی کے آغاز کے بعد سے پاکستان میں خودکش حملوں اور دھماکوں میں تیزی آئی ہے اور پچھلے چند ہفتوں میں پاکستان کے مختلف علاقوں میں ایسے حملوں میں تین سو سے زائد افراد ہلاک ہوئے ہیں۔
فیچر اور تجزیے
~RS~a~RS~urdu~RS~q~RS~~RS~z~RS~54~RS~){kind=small}
سائٹ لنک
بی بی سی کی لنکس
© MMIX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔