Advertisement
تازہ ترین خبریں
آخری وقت اشاعت: Wednesday, 21 october, 2009, 09:24 GMT 14:24 PST
وسیم اکرم اپنی اہلیہ کے علاج کے لیے سنگاپور جارہے تھے
پاکستانی کرکٹ ٹیم کے سابق کپتان وسیم اکرم کی اہلیہ چنئی کے اپولو ہسپتال کے انتہائی نگہداشت والے یونٹ میں زیر علاج ہیں اور ان کی حالت کے بارے میں متضاد اطلاعات مل رہی ہیں۔
ہما اکرم کے برادر نسبتی عامر نے اپولو کے انتہائی نگداشت کے یونٹ سے بی بی سی اردو کو بتایا کہ ان کی حالت اب مستحکم ہے لیکن دیگر ذرائع کے حوالے سے آنے والی اطلاعات کے مطابق ہما وسیم کے کلیدی اعضا نےکام کرنا بند کر دیا ہے جس کے بعد انہیں ’وینٹی لیٹر‘ پر منتقل کر دیا گیا ہے۔
ہما وسیم کو ایک چارٹرڈ طیارے کے ذریعے سنگاپور لے جایا جا رہا تھا۔ وسیم اکرم، ہما وسیم کے بھائی عامر، ایک ڈاکٹر اور نرس ان کے ہمراہ ہیں۔
اگرچہ ڈاکٹر ان کی صحت کے بارے میں کچھ کہنے سے انکار کر رہے ہیں لیکن ہسپتال نے ایک بیان جاری کیا ہے جس میں کہا گیا ہے کہ ہما کو’حسب ضرورت انتہائی سخت نگرانی میں طبی امداد فراہم کی جارہی ہے۔‘
ہما اکرم کومنگل کے روز اس وقت اپولو ہسپتال میں داخل کرایا گیا تھا جب انہیں ایک ایئرایمبولینس میں سنگاپور لےجایا جا رہا تھا کہ راستہ میں اچانک ان کی حالت زیادہ بگڑ گئی۔ اس وقت ان کا طیارہ ایندھن لینے کےلیےآدھے گھنٹے کے لیے چینئی کے بین الاقوامی ہوائی اڈے پر اترا تھا۔
ہما اور وسیم اکرم کو ہنگامی حالات میں طیارے سے اترنے کی اجازت دی گئی تھی۔ایئرایمبولینس نے لاہور سے پرواز شروع کی تھی اور ہما کو سنگاپور کے ماؤنٹ الزبتھ ہسپتال لے جایا جا رہا تھا۔
فیچر اور تجزیے
~RS~a~RS~urdu~RS~q~RS~~RS~z~RS~58~RS~){kind=small}
سائٹ لنک
بی بی سی کی لنکس
© MMIX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔