Advertisement
تازہ ترین خبریں
آخری وقت اشاعت: Thursday, 19 March, 2009, 09:30 GMT 14:30 PST
پولیس نے تینوں ملزمان کو حراست میں لے لیا ہے
ممبئی کے مضافاتی علاقے میرا روڈ کی رہائشی دو لڑکیوں نے اپنے باپ پر الزام عائد کیا ہے کہ وہ گزشتہ کئی برس سے ان کے خاندانی جیوتش کے ساتھ مل کر انہیں مبینہ طور پر جنسی زیادتی کا نشانہ بناتا رہا ہے۔
پولیس نے بدھ کی رات لڑکیوں کے باپ اور خاندانی جیوتش کے ساتھ ساتھ لڑکیوں کی ماں کو بھی گرفتار کر لیا ہے۔ ماں پر الزام ہے کہ اس نے اس جرم میں اپنے شوہر کا ساتھ دیا ہے۔ تینوں ملزمان کو جمعرات کوعدالت میں پیش کیا جانا ہے۔
میرا روڈ پولیس سٹیشن کے سینئر پولیس انسپکٹر مکند مہاجن کے مطابق یہ لڑکیاں ایک تجارتی گھرانے سے تعلق رکھتی ہیں اور وہ اپنی نانی اور ماموں کے ہمراہ پولیس سٹیشن آئی تھیں جہاں انہوں نے شکایت کی کہ ان کے خاندانی جیوتش نے ان کے باپ اور ماں سے کہا تھا کہ ان کے گھر میں اس وقت خوشحالی آئے گی جب وہ اپنی ہی لڑکیوں کی عصمت دری کریں گے۔
انسپکٹر مہاجن کے مطابق بڑی لڑکی جس کی عمر اس وقت اکیس برس ہے، اس کے باپ اور تانترک نے اس وقت اس سے جنسی زیادتی کی جب وہ محض گیارہ سال کی تھی۔ لڑکی کا الزام ہے کہ اس میں ان کی ماں نے بھی لڑکی کو دھمکایا تھا کہ جو کچھ ان کے باپ اور تانترک کہہ رہے ہیں وہ اسے کرتی رہیں اور زبان نہ کھولیں کیونکہ اس کے ایسا کرنے سے گھر میں خوشحالی آئے گی۔
انسپکٹر مہاجن کا کہنا ہے کہ بڑی لڑکی کے بعد اس کے باپ اور تانترک نے گزشتہ برس اس کی چھوٹی بہن سے بھی جنسی زیادتی کی۔ پولیس کے مطابق بڑی بہن کا کہنا ہے کہ جب اس نے دیکھا کہ اس کی چھوٹی بہن سے بھی جنسی زیادتی ہو رہی ہے تو اس نے یہ سارا ماجرا اپنی نانی اور ماموں کو بتا دیا۔ انسپکٹر مہاجن کا کہنا ہے کہ یہ ان کی زندگی کا ایسا پہلا کیس ہے جہاں باپ کے ساتھ سگی ماں ہی اپنی بیٹیوں کی عصمت دری میں شامل ہے۔
فیچر اور تجزیے
~RS~a~RS~urdu~RS~q~RS~~RS~z~RS~33~RS~){kind=small}
سائٹ لنک
بی بی سی کی لنکس
© MMIX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔