اداکارہ مِناکو اِنوئے ایک روبوٹ کے ساتھ سٹیج ڈرامے کی ریہرسل کر رہی ہیں

اوساکا یونیورسٹی میں متعارف ہونے والا سٹیج ڈرامہ جاپان میں ہونے والی پہلی تخلیق ہے جس میں انسان اور روبوٹ ایک ساتھ نمودار ہوں گے۔

تھیٹر میں کام کرنے والے روبوٹوں کو ایسے پروگرام کیا گیا تھا کہ وہ سٹیج پر اپنے حصے کے مکالمے ادا کرنے کے ساتھ ساتھ اپنی جگہ بھی تبدیل کرتے رہیں۔

ڈرامہ نگار اوریزہ ہیراٹا کا کہنا ہے کہ ان کا ڈرامہ انسان اور ٹیکنالوجی کے درمیان تعلق کے بارے میں مختلف سوال اٹھاتا ہے۔

ہاتاراکو واتاشی (ہم، کارکن) نامی ڈرامہ مستقبل قریب کے زمانے کو پیش کرتا ہے۔

ڈرامے میں ایک جوڑے کو دکھایا گیا ہے جن کے پاس دو گھریلو کام کاج کرنے والے روبوٹ ہیں۔ ان میں ایک میں کام کرنے کی تحریک ختم ہو جاتی ہے۔

ڈرامے میں وہ روبوٹ شکایت کرتا ہے کہ اسے بورنگ اور گھٹیا کام کرنے پر مجبور کیا جاتا ہے۔

ابھی تک تو یہ ڈرامہ صرف بیس منٹ کا ہے لیکن امید ہے کہ سن دو ہزار دس تک یہ ایک مکمل ڈارمہ بن جائے گا۔

واکامارو روبوٹ کو مٹسوبِشی کمپنی نے تیار کیا ہے لیکن سٹیج کے لیے اس کی پروگرامنگ یونیورسٹی میں کی گئی ہے۔