صلاح الدین بی بی سی اردو ڈاٹ کام، دلی

	مطالبات مانے جانے کے بعد ہڑتال ختم کر دی گئی

ہڑتال کرنے والی یونین کے رہنما دنیش چتروردی نے بی بی سی نیوز ویب سائٹ کو بتایا کہ مینیجر ان کے مطالبات مان گئے ہیں۔

بالی وڈ میں تقریباً ایک لاکھ ورکرز بدھ کو ہڑتال پر چلے گئے تھے جس سے فلموں کی شوٹنگ اور دیگر کاموں بری طرح متاثر ہوا ہے۔

ہڑتال کرنے والی یونینز کا مطالبہ تھا کہ یومیہ اجرت میں اضافہ کیا جائے اور ان کے کام کے پیسے وقت پر دیے جائیں۔

اس ہڑتال میں پروڈکشن سٹاف، لائٹنگ ٹیکنشینز، کیمرہ آپریٹرز، سپاٹ بوائز کے علاوہ ٹی وی و فلم کے اداکار بھی شامل ہیں۔

فلم اور ٹیلی ویژن کے لیے کام کرنے والے لوگوں پر مشتمل مختلف یونینز کا مطالبہ ہے کہ ان کی یومیہ اجرت میں اضافہ کیا جائے اور انہیں ان کے کام کے لیے پیسے وقت پر دیے جائیں۔ ان لوگوں کا یہ بھی مطالبہ ہے کہ فلم انڈسٹری میں فلم یونینز کے باہر کے لوگوں کو کام کے لیے استعمال نہ کیا جائے۔