اس برس ہی لطفی کو برٹنی سپیئرز سے 228 میٹر کی دوری رکھنے کا حکم جاری کیا گیا تھا

انہوں نے کہا کہ وہ اس عدالتی حکم میں توسیع کی درخواست نہیں کریں گی جس کے تحت مینیجر کو برٹنی سپیئرز سے دو سو پچاس گز دور رہنے کا حکم جاری کیا تھا۔

وکیل نے کہا کہ برٹنی سپیئرز عدالتی حکم کی توسیع نہیں چاہتیں لیکن اگر ان کے سابق مینیجر نے ان کے قریب آنے کی کوشش کی تو وہ قانونی کارروائی کریں گی۔

برٹنی کے وکیل سیمول انگہام نے یہ بھی کہا ہے کہ چھبیس سالہ سٹار نہیں چاہتیں کہ انہیں لطفی کی جانب سے مزید پریشان کیا جائے۔

اسامہ لطفی نے ایک بیان میں کہا کہ برٹنی اور انہوں نے اس بات پر اتفاق کر لیا ہے کہ اب انہیں ایک دوسرے سے دور رہنے کے لیے عدالتی حکم کی ضرورت نہیں۔

برٹنی سپئریز کی والدہ نے اس برس فروری میں لاس اینجلس کی ایک عدالت سے لطفی کو برٹنی سے دور رکھنے سے متعلق آرڈر حاصل کیا تھا۔

ان کی والدہ کا الزام تھا کہ لطفی منشیات کے زور پر ان کی بیٹی کی زندگی اور جائیداد پر قابو کیے ہوئے ہے۔ برٹنی کی جائیداد کی نگرانی ان کے والد جیمز کے سپرد ہے۔

عدالت نے برٹنی سپیئرز کے والد کو ذمہ داری اس وقت سونپی تھی جب فروری میں برٹنی کو نفسیاتی مریض قرار دیے جانے کے بعد ہسپتال میں داخل کیا گیا تھا۔

برٹنی کے وکیل کا کہنا ہے ’اگر لطفی مستقبل میں برٹنی سے رابطہ قائم کرنے کی کوشش کرتے ہیں تو برٹنی نے کہہ دیا ہے کہ ان کے خلاف مناسب قانونی کاروائی کریں گی۔‘