ریحانہ بستی والا بی بی سی اردو ڈاٹ کام، ممبئی

	یہ مقابلہ حسن آج سے تقریباً تینتالیس سال قبل شروع ہوا تھا

انڈیا کی پچیس خوبصورت حسینائیں سنیچر باندرہ کرلا کامپلیکس کے ایم ایم آر ڈی اے گراؤنڈ پر مقابلہ حسن میں اتریں اور حسن کے اس سیلاب میں سے تین خوش قسمت کا انتخاب ہوا۔

مقابلہِ حسن اور کامیاب حسیناؤں کی تصویریں

حسن کا یہ مقابلہ آج سے تینتالیس سال قبل شروع ہوا تھا اور زینت امان سے لے کر ایشوریہ رائے، سشمتا سین، نیہا دھوپیا، پرینکا چوپڑا اور لارا دتہ یہ خطاب حاصل کر چکی ہیں اور آج فلم اور گلیمر کی دنیا میں ان کا اپنا ایک مقام ہے۔

کرن جوہر، فلم بسنتی کے فلمساز راکیش مہرہ، کرشمہ کپور سمیت نو جج تھے جن کے فیصلوں نے تین خوش نصیبوں کو منتخب کیا۔اس مقابلہ میں صرف حسن ہی نہیں انداز، ذہانت اعتماد کا بھی مقابلہ ہوتا ہے اور جسے سب سے زیادہ نمبر ملتے ہیں وہی کامیاب ہوتا ہے۔

اس شام کو مزید رنگین بنانے کے لئے کرینہ کپور اور فردین خان نے رقص پیش کئے۔