ایکو اشیوکا کا فن دنیا بھر میں معروف تھا
آسکر انعام یافتہ معروف کاسٹیوم ڈیزائنر ایکو اشیوکا تہتر سال کی عمر میں پتّے کے کینسر سے انتقال کر گئیں۔
سنہ انیس سو بانوے میں ایکو اشیوکا نے فرانسز فورڈ کاپولا کی فلم ’ڈریکولا‘ سے بہترین کاسٹیوم ڈیزائین کا آسکر انعام جیتا۔
وہ سنہ انیس سو ستاسی میں ایک گریمی ایوارڈ اور کانز فلم فیسٹیول میں آرٹسٹک کنٹربیوشن کے انعامات بھی جیت چکی ہیں۔
انہوں نے بیجنگ اولمپک مقابلوں کی افتتاحی تقریب کے لیے بھی ملبوسات تیار کیے تھے۔
انہوں نے براڈ وے پروڈکشن کے سپائڈرمین کے لیے بھی لباس ڈیزائن کیا تھا۔
اِیکو نے اپنے فن کو مختلف طریقوں سے آزمایا۔ انہوں نے اوپرا میں بھی کام کیا۔
انہوں نے ہالینڈ نیشنل اوپرا میں دکھائے جانے والے رچرڈ ویگنر کے ’رنگ سائیکل‘ میں سیٹ اور کاسٹیوم دونوں ڈیزائن تیار کیے۔
ایکو نے سنہ دو ہزار دو میں سنگل ککون کے لیے ایک متنازع نوعیت کی میوزک ویڈیو کی ہدایتکاری بھی کی۔
اسی سال انہوں نے سالٹ لیک سٹی میں ہونے والے اولمپک مقابلوں کے لیے کھلاڑیوں کی وردیاں بھی بنائیں۔
ٹوکیو یونیورسٹی آف فائن آرٹس اینڈ میوزک سے تعلیم یافتہ ایکو اشیوکا ٹوکیو آرٹ ڈائریکٹرز کلب کی پہلی منتخب خاتون رکن بھی تھیں۔
~RS~a~RS~urdu~RS~q~RS~num_headlines=4&genre_name=homepage&enable_top_story_image=1&genre_path=/&genre_link=0&genre_title=اہم خبریں~RS~z~RS~05~RS~){kind=small}