ان کی زندگی کے چند پہلو تصاویر میں
-
ستائیس سالہ برطانوی گلوکارہ ایمی وائن ہاؤس شمالی لندن میں واقع اپنے مکان پر مردہ پائی گئی ہیں۔ -
سنہ دو ہزار تین میں اپنے پہلے البم ’فرینک‘ کے اجراء پر ہی انہیں پذیرائی حاصل ہوئی۔ تاہم سنہ دو ہزار چھ میں ان کا ایک اور البم ’بیک ٹو بلیک‘ نے انہیں بین الاقوامی شہرت سے نوازا۔ -
گلوکارہ کے میوزک کیرئر پر منشیات کے استعمال اور شراب نوشی کی لت کا سایہ تھا اور اسی تناظر میں گزشتہ ماہ انھیں یورپی ممالک کے دورے کو منسوخ کر کے اس وقت واپس آنا پڑا جب اس دورے کے سلسلے میں سربیا میں اپنی پہلی پرفارمنس کے دوران وہ شراب کے نشے میں دھت تھیں۔ -
گلوکارہ نے تین بار آئیور نوویلو ایوارڈ جیتا اور سنہ دو ہزار سات میں ان کا البم بیک ٹو بلیک نے فروخت کا ریکارڈ قائم کیا۔ -
ایمی وہ واحد برطانوی فنکارہ تھیں جنہوں نے ایک ہی رات اپنی پرمارمنس کے دوران پانچ گریمی ایوارڈ جیتے۔ -
میٹروپولیٹن پولیس کے ایک ترجمان نے ستائیس سالہ گلوکارہ کی موت کی تصدیق کی ہے تاہم اب تک موت کی وجہ کا تعین نہیں ہو سکا ہے۔ -
گلوکارہ کی موت کی خبر سنیچر کی شام سے ہی سماجی رابطے کی ویب سائٹ ٹوئٹر پر گردش میں آنا شروع ہو گئی تھی۔ -
سنہ دو ہزار آٹھ میں ایمی وائن ہاؤس کے والدین نے مادام تساؤ میوزیم میں ان کے مومی مجسمہ کا افتتاح کیا۔ -
ایمی وائن ہاؤس کی قریبی دوست کیلی اوسبرن نے ٹوئٹر پر کہا ہے ’میرا سانس لینا مشکل ہورہا ہے، میں رو رہی ہوں، میں نے اپنی بہترین دوست کو کھو دیا ہے۔ میں تمہیں ہمیشہ چاہوں گی ایمی، اور میں تمہیں کبھی نہیں بھلا سکوں گی۔‘
~RS~a~RS~urdu~RS~q~RS~~RS~z~RS~27~RS~){kind=small}
