Advertisement
تازہ ترین خبریں
آخری وقت اشاعت: Sunday, 20 september, 2009, 02:19 GMT 07:19 PST
ریمبرانٹ سولہ سو چھ میں لائڈن میں پیدا ہوئے تھے
مصور ریمبرانٹ کی ایک تصویر کے بارے میں کہا جا رہا ہے کہ موسم سرما میں لندن میں ہونے والی نیلامی میں اس کی قیمت ڈھائی کروڑ پاؤنڈ لگ سکتی ہے۔
سن سولہ سو اٹھاون میں بنائی گئی اس تصویر کا عنوان ’پورٹریٹ آف اے مین، ہاف لینگتھ، وِد ہز آرمز اکمبو‘، چالیس سال سے منظر عام پر پیش نہیں کی گئی۔
کرسٹیز کے اندازے کے مطابق اس تصویر کی قیمت ایک کروڑ اسی لاکھ پاؤنڈ اور ڈھائی کروڑ پاؤنڈ کے درمیان لگ سکتی ہے۔
ریمبرانٹ کی کسی پینٹنگ کی قیمت کا اس سے پہلے ریکارڈ ایک کروڑ اٹھانوے لاکھ پاؤنڈ ہے جو لندن میں سن دو ہزار میں ادا کی گئی۔
نیلامی کرنے والے رچرڈ نائٹ کو امید ہے آٹھ دسمبر کو لندن میں ریمبرانٹ کی تصویر کی نیلامی ریکارڈ قیمت پر ہو گی۔ تصویر کی اچھی قیمت پر نیلامی اس بات کا اشارہ ہوگا کہ آرٹ کی مارکیٹ میں مندی کا دور ختم ہو گیا ہے۔
ریمبرانٹ کی مذکورہ پینٹنگ انیس سو تیس میں اٹھارہ ہزار پاؤنڈ میں فروخت ہوئی تھی۔ انیس سو پچاس میں یہ امریکہ کی کولمبیا یونیورسٹی کو عطیے کے طور پر دے دی گئی تھی اور انیس سو چوہتر میں اسے پھر کسی نے خرید لیا تھا۔
کہا جاتا ہے کہ ولندیزی مصور نے سولہ سو اٹھاون میں صرف دو تصاویر بنائی تھیں جن میں سے یہ ایک ہے۔ آخری بار اس تصویر کو منظر عام پر انیس سو ستر میں ’ریمبرانٹ تین سو سال بعد‘ کے عنوان سے منعقد کی گئی نمائش میں دیکھا گیا تھا۔
فیچر اور تجزیے
~RS~a~RS~urdu~RS~q~RS~~RS~z~RS~26~RS~){kind=small}
سائٹ لنک
بی بی سی کی لنکس
© MMIX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔