Advertisement
تازہ ترین خبریں
آخری وقت اشاعت: Friday, 17 july, 2009, 11:04 GMT 16:04 PST
سٹیڈیم میں ساٹھ ہزار افراد کے بیٹھنے کی گنجائش ہے
فرانس میں عالمی شہرت یافتہ گلوکارہ میڈونا کے کنسرٹ کے لیے تیار کیئے جانے والے سٹیج کے منہدم ہوجانے سے زخمی ہونے والے افراد میں ایک اور شخص زخموں کی تاب نہ لا کر ہلاک ہو گیا ہے جس سے اس حادثے میں مرنے والوں کی تعداد دو ہو گئی ہے۔
بتیس سالہ برطانوی شہری جنہیں اس حادثے میں سر پر چوٹیں آئی تھیں فرانس کے شہر مرسیئی میں ایک ہسپتال کے انتہائی نگہداشت کے شعبے میں زیرِ علاج تھے۔
ویلوڈروم سٹیڈیم میں یہ حادثہ جمعرات کو اس وقت پیش آیا جب مستری سٹیج بنانے میں مصروف تھے۔
میڈونا نے حادثے کے بعد ایک بیان میں کہا کہ انہیں اس خبر پر انتہائی افسوس ہے اور وہ سکتے کے عالم میں ہیں۔
گزشتہ شام اس حادثے میں ایک تریپن سالہ فرانسیسی مزدور ہلاک ہو گیا تھا۔
اس حادثے میں آٹھ دیگر افراد زخمی ہو گئے تھے جس میں ایک امریکی بھی شامل تھا جس کو شدید زخمی حالت میں ہسپتال میں داخل کیا گیا تھا۔
حکام کے مطابق اس حادثے میں تیس افراد کو معمولی زخم آئے تھے۔
ویلوڈروم سٹیڈیم میں ساٹھ ہزار افراد کے بیٹھنے کی گنجائش ہے اور اولمپک دو مسریئی فٹ کلب کا ہوم گروانڈ ہے۔
امدادی عملے کے مطابق یہ حادثہ سٹیج کے لیے بنائی گئی ادھوری چھت کو چار کرینوں کے ذریعے اٹھایا جا رہا تھا اور ان میں سے ایک کرین نیچے آ گری۔
مرسیئی شہر کے کھیلوں کے افسر رچرڈ میرن نے کہا کہ اس حادثے میں مختلف ملکوں کے پچاس افراد اس سٹیج پر کام کر رہے تھے۔
انہوں نے کہا کہ پہلے چھت ہلنا شروع ہوئی اور پھر نیچے آ گری۔ چھت یکدم نیچے نہیں گری جس وجہ سے بہت سے لوگ اس کے نیچے سے نکلنے میں کامیاب ہو گئے۔
میڈونا کو جب یہ خبر سنائی گئی اس وقت وہ اٹلی کے دورے کے دوران اپنے فن کا مظاہرہ کر رہی تھیں۔
فیچر اور تجزیے
~RS~a~RS~urdu~RS~q~RS~~RS~z~RS~59~RS~){kind=small}
سائٹ لنک
بی بی سی کی لنکس
© MMX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔