Advertisement
تازہ ترین خبریں
آخری وقت اشاعت: Saturday, 4 july, 2009, 14:39 GMT 19:39 PST
حکام نے دیگر مداحوں کوگھر میں رہ کرجیکسن کی آخری رسومات دیکھنے کا مشورہ دیا ہے
امریکی پاپ سنگر مائیکل جیکسن کی لاس اینجلس میں منگل کو ہونے والی آخری رسومات میں شرکت کے لیے17،500 مفت ٹکٹوں کے لیے پانچ لاکھ سے زائد لوگوں نے اپنے کوائف کا اندراج کروایا ہے۔
51 سالہ جیکسن گزشتہ ہفتے انتقال کر گئے ان کی آخری رسومات سٹیپلز سینٹر میں ادا کی جائیں گی۔شرکت کرنے والوں کا انتخاب سٹیپلز سینٹر ڈاٹ کام پر قرعہ اندازی کے ذریعے کیا جائے گا۔
لاس اینجلس کی پولیس کا خیال ہے تقریباً سات لاکھ افراد اس علاقے میں داخل ہونے کی کوشش کر سکتے ہیں لیکن اس علاقے کو سیل کر دیا جائے گا اور صرف انہیں لوگوں کو آگے جانے کی اجازت ہوگی جن کے پاس ٹکٹ ہوگا۔
جیکسن فیملی کے ترجمان کین سن شائن نے ایک بیان میں بتایا کہ ابھی تک پانچ لاکھ سے زائد لوگ ٹکٹ حاصل کرنے کے لیے اپنے کوائف کا اندراج کروا چکے ہیں۔
ان رسومات میں شرکت کے لیے مجموعی طور پر گیارہ مزار ٹکٹ جاری کیے جائیں گے اور دنیا کے کسی بھی حصے سے لوگ ان ٹکٹوں کے لیے اپنے کوائف کا اندراج کروا سکتے ہیں۔
اس کے علاوہ ساڑھے چھ ہزار ٹکٹ اور جاری کیے جائیں گے جن سے لوگ نزدیکی ایک تھیئٹر میں بیٹھ کر براہِ راست یہ رسومات دیکھ سکتے ہیں۔
افسران کے مطابق جن لوگوں کو ٹکٹ دینے کے لیے منتخب کیا جائے گا انہیں ٹکٹ ماسٹر کے ذریعے پیر تک یہ ٹکٹ حاصل کرنے ہوں گے۔
پہلے سٹیپلز سینٹر ڈاٹ کام نے کہا تھا کہ یہ ٹکٹ صرف امریکی شہری ہی حاصل کر سکتے ہیں لیکن اب افسران نے اس بات کی تردید کی ہے۔
حکام نے دیگر مداحوں کو اپنے گھر میں رہ کر اس عہد ساز گلوکار کی آخری رسومات دیکھنے کا مشورہ دیا ہے۔
فیچر اور تجزیے
~RS~a~RS~urdu~RS~q~RS~~RS~z~RS~23~RS~){kind=small}
سائٹ لنک
بی بی سی کی لنکس
© MMIX
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔