 |
|
|
|
| کرکٹ رابطوں کا خیرمقدم |
|
احسان مانی | انٹرنیشنل کرکٹ کونسل کے صدر احسان مانی نے نچلی سطح پر پاکستان اور بھارت کے درمیان کرکٹ کے رابطے شروع ہونے کا خیرمقدم کرتے ہوئے کہا ہے کہ انہیں امید ہے کہ اس کے بعد جلد ہی دونوں ملکوں میں کرکٹ کے شعبہ میں مکمل رابطے بحال شروع ہوجائیں گے۔
گزشتہ سوموار کو بھارت کے دفتر خارجہ نے انیس سال سے کم عمر کے کھلاڑیوں کی ٹیم کو نومبر میں پاکستان میں ہونے والے چار ملکی ٹورنامنٹ میں شرکت کی اجازت دیدی تھی۔
بھارتی حکومت نے پاکستان کی اے ٹیم کو بھی دسمبر میں بھارت میں ہونے والے سہ ملکی ٹورنامنٹ میں شرکت کی اجازت دیدی ہے۔
اس ٹورنامنٹ میں سری لنکا بھی حصہ لے رہا ہے۔
بھارت نے سن انیس سو نواسی کے بعد سے پاکستان میں کوئی ٹیسٹ نہیں کھیلا ہے جبکہ پاکستان نے سن ننانوے اور دو ہزار میں بھارت جا کر تین ٹیسٹ کھیلے تھے۔
مانی نے کہا ہے کہ اس سال عالمی کپ کے موقعہ پر پاک بھارت میچ مقابلہ کے بہترین میچوں میں شمار کیا جا سکتا ہے۔
انہوں نے کہا کہ یہ میچ خیرسگالی کے جذبہ کے ساتھ کھیلا گیا تھا جو اس بات کا مظہر ہے کہ کرکٹ دونوں ملکوں کو قریب لانے میں اہم کردار ادا کر سکتی ہے۔
مانی نے کہا: ’لوگوں کے درمیان مفاہمت بڑھانے میں کھیل بہت کارآمد ہو سکتا ہے۔‘ |
|
|
