 |
|
|
|
| پاک بھارت سری لنکا میں |
پاکستان اور بھارت میں کرکٹ کے شایقین خوش ہوں گے
|
پاکستان اور بھارت نے اپنے ابھرتے ہوئے کھلاڑیوں کی ٹیمیں سری لنکا میں ہونے والے ایک سہ فریقی ٹورنامنٹ میں بھیجنے پر اتفاق کر لیا ہے۔
یہ ٹیمیں سری لنکا میں تیرہ سے اکیس ستمبر کے دوران ہونے والے سہ فریقی مقابلے ’ایمرجنگ ٹیم ٹرافی‘ یا ’ابھرتی ٹیموں کی ٹرافی‘ میں کھیلیں گی۔ کہا جا رہا ہے کہ یہ فیصلہ دونوں ممالک کے درمیان کرکٹ کی قومی ٹیموں کے درمیان میچ کھیلنے کی پیش قدمی ثابت ہوسکتا ہے۔
اس سے قبل بھارتی وزارت کھیل نے اپنی انیس سال سے کم عمر کھلاڑیوں کی ٹیم کو نومبر میں پاکستان میں کھیلنے کی اجازت دے کر وہ پابندی اٹھا لی ہے جو بھارت نے دوسال قبل پاکستان کے خلاف کرکٹ کھیلنے پر لگائی تھی۔
پاکستان نے بھارت کے خلاف اپنے آخری ٹیسٹ میچ انیس سو ننانوے میں بھارت میں ہونے والی سیریز میں کھیلے تھے۔
دونوں ٹیمیں اس پابندی کے بعد سے صرف اہم عالمی مقابلوں میں ہی ایک دوسرے کے خلاف صف آرا ہوئی ہیں جن میں ورلڈ کپ اور آئی سی سی ٹرافی شامل ہیں۔ |
|
|
