 |
 |
 |
 |
 |
 |
 |
 |
|
 |
 |
 |
|
 |
 |
 |
 |
 |
 |
 |
 |
 |
 |
 |
 |
|
|
| اظہرالدین کی اپیل | |
 اظہر کا شمار ہندوستان کے کامیاب ترین کپتانوں میں ہوتا ہے |
|
| بھارتی کرکٹ ٹیم کے سابق کپتان محمد اظہرالدین نے سٹے بازی کے الزام میں اپنے خلاف لگائی کرکٹ کھیلنے پر پابندی کے خلاف اپیل دائر کی ہے۔ حیدرآباد دکن کی ایک عدالت میں اپیل دائر کرتے ہوئے محمد اظہر الدین کے وکیل نے موقف اختیار کیا ہے کہ بھارتی کرکٹ بورڈ کی طرف سے ان کے موکل کے خلاف لگائی جانے والی پابندی بدنیتی پر مبنی ہے۔ عدالت کے سامنے دلائل دیتے ہوئے انہوں نے کہا کہ اظہر الدین کے خلاف پابندی رائے عامہ کو خوش کرنے کے لئے لگائی گئی اور ان میچوں میں اظہر الدین کو کارکردگی کو سامنے نہیں رکھا گیا جن میں ان پر جواء کھیلنے کا الزام لگایا گیا۔ اظہرالدین ان چار کھلاڑیوں میں سے ایک ہیں جن پر تین سال پہلے کرکٹ میں جواء کھیلنے کا تنازع کھڑا ہونے پر بھارتی کرکٹ بورڈ نے پابندی لگا دی تھی۔ محمد اظہرالدین اور اجے شرما پر عمر بھر کے لئے کرکٹ کھیلنے پر پابندی لگا دی گئی تھی جبکہ اجے جڈیجا اور منوج پربھاکر پر پانچ پانچ سال کے لئے پابندی لگائی تھی۔ ایک عدالت نے حال ہی میں اجے جڈیجا کے خلاف پانچ سال کے لئے کرکٹ کھیلنے پر پابندی کو ختم کر دیا تھا اور انہیں کلب کرکٹ کھیلنے کی اجازت دے دی تھی لیکن اس سلسلے میں اظہرالدین کی طرف سے جنوری میں دائر کی درخواست کو قابل پذیرائی نہیں سمجھا گیا تھا۔ یاد رہے کہ ہندوستانی تحقیقاتی ادارے سی بی آئی نے اپنی رپورٹ میں کہا تھا چاروں کھلاڑیوں نے جان بوجھ کر میچ ہارنے کے صلے میں بک میکروں سے رقومات حاصل کی ہیں۔ بعد میں بھارت کرکٹ بورڈ کی طرف سے مقرر کئے گئے انکوائری کمشنر کے مادھاون نے بھی سی بی آئی کی رپورٹ کی تائید کی تھی۔ |
