Library

Tellytales: Programme 13 - The Palace o tha Cowans (Script)

Tellytales: Programme 13 - The Palace o tha Cowans (Script)

PERFORMANCE NOTES

Most pronunciations are phonetic.

Where you see an umlaut (pair of dots) above an ‘i’, this should be pronounced with an ‘a’ sound - eg Quïck is pronounced Quack and Kïng is pronounced Kang.

The gutteral ‘ch’ sound in words like ‘licht’ and ‘nicht’ should be sounded as clearly as possible.

You will need the following cast members:

  • Storyteller - can be boy or girl. We used P6 and P7 pupils.
  • Young children - about three or four boys or girls. We used P2 and P3 pupils.
  • Choir - to sing the two songs.

ACCOMPANYING MATERIAL

(a) A ‘backing track’ for Song 1 is available by clicking here
(b) A ‘backing track’ for Song 2 is available by clicking here
(c) An Ulster-Scots version of Song 1 is available by clicking here
(d) An Ulster-Scots version of Song 2 is available by clicking here

SCRIPT

1. STORYTELLER
The’ caa this bït crack …

2. CHILDREN
Tha Palace o tha Cowans

3. STORYTELLER
Yince oan a day, in Scotlann, thar leeved a fushermon. The’ caa’ed him Ronan!

4. CHILDREN
Fair faa ye Ronan! Thon say leuks jaupy!

5. STORYTELLER
Ronan wus faur-kent fur bein tha best fushermon in tha lan.

6. CHILDREN
Och! Whut a clattèr o fushes!

7. STORYTELLER
This yinst, Ronan cast his net oot tae say. On a suddent, he fun a chug! A muckle gret chug! (Ohh!) He maun hae taen somethin gye an bïg!

8. CHILDREN
Pu, Ronan! Pu!

9. STORYTELLER
Ronan yaised aa his micht tae pu an pu tha net ootae tha wattèr. Hae a leuk at whut he’d taen … a bonnie cowan!

10. CHILDREN
A cowan?!

11. STORYTELLER
Ronan wus gye an crouse aboot takkin a cowan! Wow! Whut wud aabodie say?

On a suddent but, tha bonnie cowan flisked her boadie … an tha net skytit ootae Ronan’s hauns!

12. CHILDREN
She gat awa!

13. STORYTELLER
Aye, but still an all she swum awa lapt in his fushin net yit!

Ronan wus affa gunked!

Beck oan tha shore, Ronan gaed tae tha inns the’ caa tha Fïshy Tail. (Giggling)

His freens haed a gast whanivver he tauld thaim aboot tha thie cowans he’d near taen…

14. CHILDREN
Haud oan – he taen nae mair nor tha yin!

15. STORYTELLER
Aye, A ken! Ronan thocht it wud soun bettèr yit gin he sayed thar wus thie o thaim!

Jist wi Ronan ennin his fïshy tale, in cum a mon the’ haednae seen afore.

16. CHILDREN
Ay! Wha’s this buddy, A wunner?

17. STORYTELLER
Tha mon spiered o Ronan wus he tha faur-kent fushermon ’at cud tak cowans!

18. CHILDREN
Ohhh!

19. STORYTELLER
Ronan cudnae unnèrstaun hoo tha wurd wus skailt sae quïck – nae mettèr aboot it, he wus aa made up wi aabodie taakin aboot him!

Sae he sayed aye, he wus tha faur-kent fïshermon ’at cud tak cowans.

Tha mon wus fair suitit. He tauld Ronan he wrocht fur a weel-aff mon ‘at wus leukkin tae taak til Ronan richt noo.

Ronan thocht he wus nae goat’s tae! He agreed wi gaein tae see this weel gaithert buddy richt awa.

20. CHILDREN
Hmmph!

21. STORYTELLER
Whut dae ye thïnk, but?

22. CHILDREN
Whut?

23. STORYTELLER
Tha weel aff buddy leeved oot in tha say!

24. CHILDREN
Oot in tha say? Thon’s byornar …

25. STORYTELLER
Aye, Ronan wus fair tuk bek forbye.

Tha mon sayed no tae fash hissel, Ronan cud tak thaim thonner in his fushin bóat.

26. CHILDREN
Soons a weethin fushy tae me! (Laughter)

27. STORYTELLER
Whanivver the’ haed bin paidlin fur a richt while, Ronan wus stairtin tae get feart. (Ooh!)

Tha mon tauld him no tae fash hissel. He wud hae a richt gast shuin!

An whut a gast it wus. On a suddent, tha mon püshed Ronan intae tha say!

28. CHILDREN
Och naw!

29. STORYTELLER
Syne tha mon louped intae tha say forby.

Haud oan – dinnae fash yersel! Somethin miroclous wus comin aboot!

Ronan gat his braith! He cud tak braith unnèr tha wattèr!

30. CHILDREN
Whut? Lek a fush?

31. STORYTELLER
Aye! An tha mon forby!

32. CHILDREN
Wow!

33. STORYTELLER
Ronan an tha mon wus turnt intil cowans!

Thegither the’ swum fordèr and fordèr doon. He wusnae feart ava … deed, he felt wunnèrfu!

34. SONG 1
Doon intil tha say
The’ aisy ploutin gae.
Wi a flisk an a swush,
He sweems aboot lek fush!

Haurd takkin in sic a sicht –
Ablow tha say he’s aye aa richt!
As wattèr roon him reams,
He wi’ tha cowans sweems.

Feels sae weel stravaigin’ through
Faur ablow tha say o byue.
Anither warl, an unco airt
He sweems unco gled an licht o hairt.

35. STORYTELLER
At lang an lenth, the’ come tae a bonnie palace…

36. CHILDREN
Wow – leuk at thon!

37. STORYTELLER
… an in the’ swum.

Tha palace wus bonnie inby anaa.

38. CHILDREN
Wow!

39. STORYTELLER
Tha weel-aff buddy Ronan haed tha tryst wi, wus nane ither nor tha Kïng o tha Cowans!

Wae’s me, but, tha kïng wus gye an doon in tha mooth …

40. CHILDREN
Fur why?

41. STORYTELLER
He wus mad ang’ry acause his wee dochtèr wus aa fankl’t. His dochtèr wus tha bonnie cowan Ronan haed taen afore! (Gasp!)

She wus fankl’t yit in Ronan’s fushin net.

42. CHILDREN
Puir buddy!

43. STORYTELLER
An aa tha yin ’at cud tak it aff wus Ronan!

Ronan wus that vext, he taen tha net aff richt awa.

44. STORYTELLER
Tha wee cowan wus that hert-gled tae be lowsed ’at she lapped her airms roon Ronan – an thegither the’ daunced tha glammerie daunce o tha cowans …

45. CHILDREN
Aww!

46. STORYTELLER
Shuin, it come time fur Ronan tae gae hame. (Aww!)

Tha cowans waffed guid bye – noo the’ wur freens wi Ronan … seein the’ kent he’d taen a tellin.

47. CHILDREN
Hurray! (Giggles)

48. STORYTELLER
Whanivver he gat tae tha shore, Ronan cheynged beck intae a mon agane …

He leukked oot ower tha say wi a sair hert an got a keek o a bonnie cowan.

She waffed tae Ronan, syne jouked inundèr tha waves, an he nivver saa her mair.

49. CHILDREN
Awwwww!

50. STORYTELLER
He kent somethin else ye cud lippen til …

51. CHILDREN
Whut?

52. STORYTELLER
’At he wud tak a cowan nae mair!

Tha enn.

53. SONG 2
Heerd ye ava whut a fushin net helt -
O cowans no tae be selt?
O a day did daw whan a fushermon braw
Near taen a cowan tae it wun awa
Wi tha net in a fank an it styed gye ticht
Tae tha fushermon redd it richt!

Tha fushermon eftèr mair oors o tha day
Wus püshed intil tha say.
And syne, nae geggin, aye indade,
He wus intae a cowan made.
Whun ben tha palace he did draa
A waesome sicht tha fushermon saa.

An fanked in his net
Wus tha cowan prïncess;
Hairt-sair cud dae nae less
Sae he lowsed her fair in tha blink o an ee
Furtae sweem aboot in tha byue byue sea.
An thon’s tha enn o tha crack wus telt
O cowans no tae be selt.


You might also like