Library

Tellytales: Programme 01 - Jeck an tha Banestaak (Script)

Tellytales: Programme 01 - Jeck an tha Banestaak (Script)

PERFORMANCE NOTES.

Most pronunciations are phonetic. Where you see an umlaut (pair of dots) above an ‘i’, this should be pronounced with an ‘a’ sound - eg Quïck is pronounced Quack and Kïng is pronounced Kang. The gutteral ‘ch’ sound in words like ‘licht’ and ‘nicht’ should be sounded as clearly as possible.

You will need the following cast members:

  • Storyteller - can be boy or girl. We used P6 and P7 pupils.
  • Young Children - about three or four boys or girls. We used P2 and P3 pupils.
  • Choir - to sing the two songs.

ACCOMPANYING MATERIAL

(a) A ‘backing track’ for Song 1 is available by clicking here
(b) A ‘backing track’ for Song 2 is available by clicking here
(c) The Ulster-Scots version of Song 1 is available by clicking here
(d) The Ulster-Scots version of Song 2 is available by clicking here

SCRIPT

1. STORYTELLER
This wee bit crack iz cried….

2. YOUNG CHILDREN
Jeck an tha Banestaak!

3. STORYTELLER
Yince on a day, a lang, lang time syne in Inglan’, thur leeved a weefla. They caaed him Jeck!

4. CHILDREN
Hi ye Jeck! (laugh)

5. STORYTELLER
Jeck leeved wi his mammy in a wee cottar-hoose. Sowel but the’ wur gye an puir……

6. CHILDREN (sad)
Awwww.

7. STORYTELLER
The’ hadnae ony siller…….

8. STORYTELLER
An the’ wur wile doon-hairtit…..

9. CHILDREN (puzzled)
Whut?

10. STORYTELLER
Weel, A jalouse his mammy wus doon-hairtit - but thon Jeck? He wus a daeless boadie aa oot. Yin day Mammy toul Jeck tae tak his guid freen, Milky tha coo, tae tha merkit an sell her for a wheen o pun.

11. CHILDREN
Och! Fur why?

12. STORYTELLER
Weel, Milky tha coo wus oul an wasnae giein them milk onie mair…… Noo thon pit Jeck sair doon in tha mooth. Awa he gaed, hingin tha lugs, fur tae sell Milky tha coo at tha merkit.

13. STORYTELLER
Whun Jeck wus makkin fur tha merkit, but, he rin agane a wumman in a bricht colourt rig-oot.

14. CHILDREN
Och! Leuk!

15. STORYTELLER
This wumman taen a quare notion o Milky tha coo an med Jeck an offer o yin, twa, thrie, fower, five banes fur her.

16. CHILDREN
Banes? Fur tha coo?

17. STORYTELLER
But o coorse, Jeck wus haein nane o it. He wusnae gaun tae sell Milky fur five oul banes - tae tha wumman toul him that these banes wur ower-ocht….– the’ wur glammerie banes! Banes ’at cud be wile sonsie!

18. CHILDREN
Wow!! Glammerie banes.

19. STORYTELLER
Noo Jeck thocht ye cudnae be bad tae thon - sae he gien tha coo tae tha wumman, taen tha glammerie banes, an wi’ a haut-stap-an-loup, he rin awa hame tae his Mammy - aa made up wi hissel. But wus Jeck’s mither suitit, dae ye think?

20. CHILDREN
Naw!

21. STORYTELLER
Whun Jeck lat his mammy see tha banes she wusnae suitit ava - she wus fair riz an near greetin … an she cloddit tha magic beans ontae tha gress ootby! Thon nicht whun Jeck an his mammy wur sleepin soon’, somthin ower ocht wus happenin - wile odd aa’thegither… Weel…..

SONG

Whun Mammy an Jeck wur in thur beds
Awa in tha lan o Nod
Thur wus somethin gaun on jaist ootby
Somethin weird an gyely odd.

Tha five colourt banes begood tae stir
An the’ begood tae sproot
An up frae tha grun the’ grew an grew
The’ wur glammerie banes, nae doot.

Up an up a banestaak shot
Ower tha riggin an trees up heich.
It grew richt up tae tha oosie cloods an
This banestaak wus in tha sky sae heich -
A magical banestaak, dearie-me
*A banestaak sae heich, aye sae heich.**

22. STORYTELLER
Aye - a magic banestaak as heich as tha sky. Tha sicht o’t wud a dumfoonert ye!

23. CHILDREN
Wow!

24. STORYTELLER
Weel, Jeck got a quare gunk whun he waukent tha morn! He lukt up an up - an wunnert whut micht be at tha tap o’t….sae cud ye jalouse whut Jeck daen?

25. CHILDREN
Speel tha glammerie banestaak!

26. STORYTELLER
Aye! Jeck med up his mine tae speel tha banestaak - aa tha wye richt tae tha tap!

27. CHILDREN (Reacting to climb - alarmed!)
Och! Watch yersel, Jeck!

28. STORYTELLER
Phew! Jeck wun tae tha tap o tha banestaak - stapt his wee heid oot frae atween tha cloods – an whut a sicht wus afore his een!

29. CHILDREN
Wow! (Gasps etc)

30. STORYTELLER
Iveriethin wus affa, affa muckle! It med Jeck feel affa, affa wee. An stannin thar, mair muckle nor ocht else, wus a michtie kessel. Jeck set aff fur tha kessel, wunnerin wha micht stey thar………

31. STORYTELLER
Jeck gaed intae tha kessel on his tippertaes… an intae tha scullery. He climmed tha muckle sait ………….. ontil tha muckle boord…… Wow! It wus laik a muckle great stage! An on tha stage wus a baag o goold! Jeck haed niver seen sae much goold afore… Jeck wus that kittled he danced his lane wi tha joy o’t.

32. CHILDREN
Hooray!

33. STORYTELLER
On a suddent, Jeck heerd a muckle boomin’ soon… tha soon o muckle big, wechtie clampin. Tha hale kessel shuk! Gye quïck, Jeck hid his’sel - ahint a muckle bicker.

34. CHILDREN
Quïck, Jeck – jook doon!

35. STORYTELLER
Jeck taen a keek oot roon tha bicker an’ luk! ….. muckle giant feet… (OH!)….. lang giant shanks…(OH!)….. a giant wame…(OH!)… an a giant bake!!!

36. CHILDREN
Ach naw!!

37. STORYTELLER
…..an then Jeck heerd a muckle, boomin voice… ‘Fee fi fo fum, A smell a weefla fur ma tum’ tha giant guldert……

38. CHILDREN (Whispering)
Oooo.

39. STORYTELLER
Jeck wus as quate as a moose. Tha giant lukt intil tha ingle… Tha giant lukt ahint tha hingers…… Tha giant lukt ablow tha boord… …but he cudnae fin Jeck! “Thon’s ower ocht - A’m shair A cud fin a smell o a boadie. Ach weel,” tha giant sayed… an sut doon an fell ower on tha sait.

40. STORYTELLER
Jeck crep ower bae tha giant, gye slow an quate, tae mak shair tha giant wus sleepin… Aye! He wus………. then affa quïck, he …. skytit aff tha boord…… an … gruppit tha baag o goold.

41. STORYTELLER
Phew!…… an Jeck rin as quïck as his wee feet wud tak him, beck tae tha banestaak……

42. CHILDREN
Quïck, Jeck, rin! Ach naw! Watch yersel! Tha giant is waukent!

43. STORYTELLER
Jeck skytit doon tha banestaak fur he heerd tha giant’s dundèrin’ fit frae aboon him. He guldèrt tae his Mammy tae stairt haggin’ tha banestaak …..quïck!

44. CHILDREN
Quïck, hag tha tree! Tha tree is doon, yeo!

45. STORYTELLER
Aye – Jeck an his mammy wus richt an blithe frae thon oot.

Tha En

SONG

Yeo! Yeo!
Jeck wus a hairo
He cum beck hame wi tha goold, yeo!
His mammy sae blythe, aye
An prood o her Jeck – we
Hope oor crack suitit ye the day.

Yeo, yeo!
Jeck an tha banestaak
Tha giant wus jinked
bae a canny wee lad.
Jeck wus that bricht but -
tha mair he wus frichted -
an this wee bit crack shud mak ye hairt-glad.

Yeo! Yeo!
Jeck wus a hairo
He cum beck hame wi tha goold, yeo!
His mammy sae blythe, aye
An prood o her Jeck – we
Hope oor crack suitit ye the day.
We hope oor crack suitit ye the day.
We hope oor crack suitit ye the day.


You might also like