Library

Kredit Crunch, Burns an Roses

Kredit Crunch, Burns an Roses

Ullans Speakers Association - Article 5 - February 2009

Noo maist o’ tha guid folk frae roon tha Kingdom o’ Dalraida hae broke yin ir twa teeth on thaur boul o’ this new fangled stuff caa’ed tha kredit crunch. Hooiniver aff coorse we ir aa fed up wae oor dose o’ this oul sour hashure but thaurs naethin kan bae dane aboot it. As far as A kan maak oot yer better tae bate it intae ye noo an wae ony luck stocks micht shane rin oot.

Onywye A wus thinkin’ efter gane tha gran Burns Supper in tha Masonic Ha’l tha ither Friday evenin’, that A micht add wus a kredit tha yins wha pit it thagither, weel dane yin an aa. Hooiniver A got tae thinkin aboot aul Rabbie an tha grand love sangs he scrieved in his deh. Noo jest think aboot it, he scrieved yin o’ the graetest love sangs tha wurl haes iver saa, am taakin aboot aff coorse ‘My Love is like a red red rose.’

Sae aa thocht wae this bein tha month o’ St Valentine whun aa tha lasses lake tae get kerds an roses an tha lake frae their Valentine ir whiles Valentines. Aff coorse thats tha wye it shud be an whaurs tha herm in it. Onywye if ony o’ tha oul romantics roon aboot the Glebe ir tha lake ir luukin for a verse tae pit in yin thon big swanky kerds luuk nae further nir tha Bard o’ Kingdom o’Alba himsel.

Noo aff coorse ir ain wee Ullans Speakers Association yins is up tae thaur enn maakin plans an thinkin in wyes o’ pittin forrit oo wye o’ taakin’ an nae doot we wull hae guid news shane on oor nixt project. Efter aa this yin o’ tha few pairts whaur tha Ullans is still spoke bae a brav wheen an jest think on it lake this. We kan taak it, ithers kan only taak aboot it. But onywye whuther ye gie ir get roses on St Valentines a’ll lee yese wae a wee bit o Burns himsel.

Here’s a bottle and an honest friend!
What wad ye wish for mair, man?
Wha kens, before his life may end,
What his share may be o’ care, man?

Then catch the moments as they fly,
And use them as ye ought, man!
Believe me, Happiness is shy,
And comes not aye when sought, man!

The Aul Han


You might also like