மாகாண சபைகளை ரத்துச் செய்யுமாறு அமைச்சர்கள் கோரிக்கை

கடைசியாக பிரசுரிக்கப்பட்டது: 7 நவம்பர், 2012 - 14:15 ஜிஎம்டி
அமைச்சர் விமல் வீரவன்ஸ

அமைச்சர் விமல் வீரவன்ஸ

இலங்கையில் மாகாண சபைகளை ரத்துச் செய்ய வேண்டும் என்று ஆளும் கட்சியில் அங்கம் வகிக்கும் மூத்த அமைச்சர்கள் இருவர் குரல் எழுப்பியுள்ளார்கள்.

நாட்டின் அபிவிருத்திக்கு மாகாண சபைகள் முறைமை தடையாக இருப்பதாகக் கூறி, அதனை ரத்துச் செய்ய வேண்டும் என்று அந்த இரு அமைச்சர்களும் ஒரு செய்தியாளர் சந்திப்பில் கூறியுள்ளனர்.

ஜாதிக ஹெல உறுமய கட்சியின் தலைவரான அமைச்சர் சம்பிக்க ரணவக்க மற்றும் தேசிய சுதந்திர முன்னணியின் தலைவர் அமைச்சர் விமல் வீரவன்ஸ ஆகியோர் இந்தக் கருத்தை முன்வைத்தனர்.

மாகாண சபைகளின் மூலம் நாடு கூட்டாட்சி முறைக்கு தள்ளப்படும் அபாயம் இருப்பதாக அமைச்சர் சம்பிக்க ரணவாக்க அங்கு கூறினார்.

மாகாண சபைகளின் காரணமாக நாடாளுமன்றத்தின் அதிகாரம் நாளுக்கு நாள் பலவீனமடைந்துவருவதாக அமைச்சர் விமல் வீரவன்ஸ கூறினார்.

எதிர்காலத்தில் வடக்கு மாகாண சபை தமிழ் தேசியக் கூட்டமைப்பின் வசம் சென்றால், அது அரசாங்கம் கொண்டுவரும் சட்டங்களுக்கு தடையாக அமைய முடியும் என்றும் அவர் கூறினார்.

அந்த மாகாண சபை காணி மற்றும் பொலிஸ் அதிகாரத்தை தமக்கு வழங்குமாறு நீதிமன்றங்களை நாடும் அபாயம் உள்ளதாகவும் அவர் எச்சரித்தார்.

ஆகவே நாட்டின் பாதுகாப்பைக் கருத்தில்கொண்டு அரசாங்கம் மாகாண சபைகளை ரத்துச் செய்ய வேண்டும் என்றும் அவர் கூறினார்.

BBC © 2014 வெளியார் இணையதளங்களில் இருக்கும் தகவல்களுக்கு பிபிசி பொறுப்பாகாது

(CSS) ஸ்டைல் ஷீட் வசதியுள்ள இணைய உலவிகளில்தான் இந்த பக்கத்தை ஒழுங்காகப் பார்க்க முடியும். தற்போது நீங்கள் வைத்துள்ள உலவியிலேயே இப்பக்கம் தெரியும் என்றாலும், இப்பக்கத்தின் முழுமையான காட்சி அனுபவத்தை நீங்கள் பெற இயலாது. உலவியின் புதிய பதிப்பு ஒன்றைப் பெறுவது பற்றி பரிசீலிக்கவும், அல்லது உங்கள் உலவியில் ஸ்டைல் ஷீட் வசதி இருந்தால், அது செயல்பட அனுமதிக்கவும்.