BBC navigation

'அவசரகாலச் சட்டம் அவசியமில்லை'

கடைசியாக பிரசுரிக்கப்பட்டது: 25 ஆகஸ்ட், 2011 - 10:13 ஜிஎம்டி
மஹிந்த ராஜபக்ஷ

இலங்கை ஜனாதிபதி மஹிந்த ராஜபக்ஷ

இலங்கையில் கடந்த 30 ஆண்டுகளுக்கும் மேலாக அமலில் இருக்கும் அவசர காலச் சட்டத்தை நீடிப்பதற்கு எந்தவித அவசியமும் இருப்பதாகத் தான் கருதவில்லை என்று இலங்கை ஜனாதிபதி மகிந்த ராஜபக்ஷே நாடாளுமன்றத்தில் பரிந்துரைத்துள்ளார்.

அவசரகால சட்டமானது 1983 ஆம் ஆண்டு முதன்முதலில் அமல் செய்யப்பட்டது. அதன் பிறகு சில முறை இடையிடையே நீக்கப்பட்டு மீள அமல்படுத்தப்பட்டது.

போர் முடிந்த இரண்டு ஆண்டுகளான பிறகு தற்போது இச்சட்டம்ினிமேல் அவசியமில்லை என்று ஜனாதிபதி அறிவித்துள்ளார்.விடுதலைப் புலிகள் தோற்கடிக்கப்பட்ட பிறகு நாட்டில் பயங்கரவாதத் தாக்குதல்கள் ஏதும் நடைபெறாத நிலையில், அவசரகாலச் சட்டம் தேவையில்லை என்று தான் நம்புவதாக ஐனாதிபதி நாடாளுமன்றத்தில் உரையாற்றும் போது தெரிவித்துள்ளார்.

அவசரகாலச் சட்டத்தின் சில கடுமையான பிரிவுகள் ஓராண்டுக்கு முன்னர் தளர்த்தப்பட்டன.

அரசின் இந்த அறிவிப்பை மனித உரிமை ஆர்வலர்கள் வரவேற்பார்கள் என கொழும்பிலிருக்கும் பிபிசி செய்தியாளர் கூறுகிறார்.

இந்த சட்டத்தின்படி பாதுகாப்புப் படையினருக்கு பல மேலதிக அதிகாரங்கள் வழங்கப்பட்டிருந்தன.

ரணில் வரவேற்பு


ஜனாதிபதியின் இந்த அறிவிப்பை, எதிர்க்கட்சித் தலைவர் ரணில் விக்கிரமசிங்க வரவேற்றுள்ளார். போர் முடிந்த பின்னர் அவசரகாலச் சட்டம் தேவையில்லை என்று கூறியுள்ள ரணில் விக்கிரமசிங்க, தாமதமாகவெனிலும், இந்த அறிவிப்பு வந்ததை தான் வரவேற்பதாக அறிவித்துள்ளார். அதேவேளை, இதனை ஒரு ஆரம்பமாகக் கொண்டு, இலங்கை இனப்பிரச்சினைக்கு ஒரு அரசியல் தீர்வு காணப்பட வேண்டும் என்றும் அவர் வலியுறுத்தியுள்ளார்.

BBC © 2014 வெளியார் இணையதளங்களில் இருக்கும் தகவல்களுக்கு பிபிசி பொறுப்பாகாது

(CSS) ஸ்டைல் ஷீட் வசதியுள்ள இணைய உலவிகளில்தான் இந்த பக்கத்தை ஒழுங்காகப் பார்க்க முடியும். தற்போது நீங்கள் வைத்துள்ள உலவியிலேயே இப்பக்கம் தெரியும் என்றாலும், இப்பக்கத்தின் முழுமையான காட்சி அனுபவத்தை நீங்கள் பெற இயலாது. உலவியின் புதிய பதிப்பு ஒன்றைப் பெறுவது பற்றி பரிசீலிக்கவும், அல்லது உங்கள் உலவியில் ஸ்டைல் ஷீட் வசதி இருந்தால், அது செயல்பட அனுமதிக்கவும்.