BBC navigation

கிரிக்கெட் வீரர் ஸ்வான் 'திடீர் ஓய்வு'

கடைசியாக பிரசுரிக்கப்பட்டது: 22 டிசம்பர், 2013 - 11:33 ஜிஎம்டி

கிரேம் ஸ்வான்

உலகின் ஒரு முன்னணி சுழற்பந்து வீச்சாளரான இங்கிலாந்தின் கிரேம் ஸ்வான் கிரிக்கெட் போட்டிகளிலிருந்து ஓய்வு பெறுவதாக அறிவித்துள்ளார்.

சர்வதேசப் போட்டிகள் மற்றும் முதல்தரக் கிரிக்கெட் போட்டிகள் அனைத்திலிருந்தும் உடனடியாக ஓய்வு பெறுவதாக ஸ்வான் கூறியுள்ளார்.

ஆஸ்திரேலியாவில் ஆஷஸ் டெஸ்ட் கிரிக்கெட் தொடரில் விளையாடிவரும் இங்கிலாந்து அணியில் இடம்பெற்றுள்ள ஸ்வானின் இந்த அறிவிப்பு பல்தரப்பில் ஆச்சரியத்தை ஏற்படுத்தியுள்ளது.

இந்தத் தொடரில் இங்கிலாந்து முதல் மூன்று டெஸ்ட் போட்டிகளிலும் தோல்வியடைந்து, ஆஷஸ் பட்டத்தையும் இழந்துள்ளது.

ஐந்து போட்டிகளைக் கொண்ட இத்தொடரில் மேலும் இரண்டு போட்டிகள் எஞ்சியுள்ளன.

பங்களிப்பு

டி-20 வெற்றிக் களிப்பில் ஸ்வான்

ஸ்வான் இதுவரை விளையாடியுள்ள 60 டெஸ்ட் போட்டிகளில் 255 விக்கெட்டுகளை எடுத்துள்ளார்.

இங்கிலாந்தைச் சேர்ந்த பந்துவீச்சாளர்கள் எடுத்துள்ள விக்கெட்டுகளின் அடிப்படையில் ஸ்வான் ஆறாவது இடத்தில் இருக்கிறார்.

கடந்த 2010 ஆம் ஆண்டு, 20 ஓவர்களைக் கொண்ட உலகக் கோப்பை கிரிக்கெட் போட்டியில் இங்கிலாந்து வெல்வதற்கு ஸ்வானின் பங்களிப்பு மிகவும் முக்கியமானதாக இருந்தது.

அதேபோல இங்கிலாந்து அணியை டெஸ்ட் தரப்பட்டியலில் முதலிடத்துக்குக் கொண்டு செல்வதிலும் கிரேம் ஸ்வான் முக்கிய பங்காற்றியிருந்தார்.

தொடர்புடைய விடயங்கள்

BBC © 2014 வெளியார் இணையதளங்களில் இருக்கும் தகவல்களுக்கு பிபிசி பொறுப்பாகாது

(CSS) ஸ்டைல் ஷீட் வசதியுள்ள இணைய உலவிகளில்தான் இந்த பக்கத்தை ஒழுங்காகப் பார்க்க முடியும். தற்போது நீங்கள் வைத்துள்ள உலவியிலேயே இப்பக்கம் தெரியும் என்றாலும், இப்பக்கத்தின் முழுமையான காட்சி அனுபவத்தை நீங்கள் பெற இயலாது. உலவியின் புதிய பதிப்பு ஒன்றைப் பெறுவது பற்றி பரிசீலிக்கவும், அல்லது உங்கள் உலவியில் ஸ்டைல் ஷீட் வசதி இருந்தால், அது செயல்பட அனுமதிக்கவும்.