BBC navigation

இறுதி வரைவு முன்னேற்றகரமானது என்கிறது உலகத் தமிழர் பேரவை

கடைசியாக பிரசுரிக்கப்பட்டது: 24 மார்ச், 2014 - 15:55 ஜிஎம்டி

மீடியா பிளேயர்

இலங்கைக்கு எதிராக ஐநா மனித உரிமைகள் ஆணைக்குழுவின் மாநாட்டில் சமர்ப்பிக்கப்பட்டுள்ள தீர்மானத்தின் இறுதி வரைவு முன்னேற்றகரமானது என்று உலகத் தமிழர் பேரவை கூறுகிறது.

கேட்கmp3

இவற்றை இயக்க உங்கள் உலவியில் ஜாவாஸ்கிரிப்ட் இயங்க அனுமதித்திருக்க வேண்டும் மேலும் பிளாஷ் பிளேயரின் மிகச் சமீபத்திய வடிவம் உங்கள் கணினியில் நிறுவப்பட்டிருக்க வேண்டும்.

மாற்று மீடியா வடிவில் இயக்க

இலங்கையில் இறுதிப் போரின் போது இடம்பெற்றதாகக் கூறப்படும் மனித உரிமைகள் மீறல்கள் தொடர்பில் இலங்கைக்கு எதிராக ஜெனிவாவில் ஐநா மனித உரிமைகள் ஆணைக்குழுவில் அமெரிக்கா தலைமையிலான நாடுகளால் கொண்டுவரப்பட்டுள்ள தீர்மானத்தின் இறுதி வரைவு முன்னேற்றகரமாக இருப்பதாக உலகத் தமிழர் பேரவையைச் சேர்ந்த சுரேன் சுரேந்திரன் தெரிவித்துள்ளார்.

முன்னதாக வந்த வரைவை விட இந்த வரைவு முன்னேற்றம் கண்டிருப்பதாகவும், ஆனாலும் இதனையும் விட இறுக்கமானதாக இதனைக் கொண்டுவந்திருக்க முடியும் என்றும் அவர் குறிப்பிட்டுள்ளார்.

ஐநா மனித உரிமைகள் ஆணையர் இலங்கை விசாரணைகளை கண்காணிக்க வேண்டும் என்ற விடயம் உண்மையில் ஒரு சர்வதேச ரீதியிலான விசாரணைக்கு சமமானது என்றும் ஆகவே அது வரவேற்கத்தக்கது என்றும் அவர் கூறியுள்ளார்.

இலங்கை அமைச்சர் கருத்து

அதேவேளை, இலங்கையின் தலைநகர் கொழும்பில் செய்தியாளர் சந்திப்பு ஒன்றில் பேசிய இலங்கையின் மூத்த அமைச்சரான நிமல் சிறிபால டி சில்வா அவர்கள், சர்வதேச விசாரணை ஒன்று நடப்பதை தவிர்த்ததால், இலங்கைக்கு அங்கு ஓரளவு வெற்றி கிடைத்திருப்பதாகக் கூறியுள்ளார்.

''நாங்கள் தற்போதைய சூழ்நிலையில் ஓரளவு வெற்றியை அடைந்திருக்கிறோம். அதாவது சர்வதேச விசாரணை ஒன்று நடத்தப்பட வேண்டும் என்ற நிலைப்பாடு மாற்றப்பட்டிருக்கிறது. சர்வதேச விசாரணைக்கு தமது ஆதரவு கிடைக்காது என்று பல நாடுகள் கூறியிருந்தன. ஆனால் கடைசி தருணத்தில் கூட தற்போதிருக்கின்ற தீர்மான வரைவில் திருத்தம் கொண்டுவரப்படலாம். அதனால் நாங்கள் அதுபற்றி அதிகளவில் மகிழ்ச்சியடைவது கூடாது.'' என்று அமைச்சர் நிமல் சிறிபால டி சில்வா கூறியுள்ளார்.

More Multimedia

BBC © 2014 வெளியார் இணையதளங்களில் இருக்கும் தகவல்களுக்கு பிபிசி பொறுப்பாகாது

(CSS) ஸ்டைல் ஷீட் வசதியுள்ள இணைய உலவிகளில்தான் இந்த பக்கத்தை ஒழுங்காகப் பார்க்க முடியும். தற்போது நீங்கள் வைத்துள்ள உலவியிலேயே இப்பக்கம் தெரியும் என்றாலும், இப்பக்கத்தின் முழுமையான காட்சி அனுபவத்தை நீங்கள் பெற இயலாது. உலவியின் புதிய பதிப்பு ஒன்றைப் பெறுவது பற்றி பரிசீலிக்கவும், அல்லது உங்கள் உலவியில் ஸ்டைல் ஷீட் வசதி இருந்தால், அது செயல்பட அனுமதிக்கவும்.