"தேர்தல் ஆணையம் கடும் நடவடிக்கை எடுக்க வேண்டும்"

இந்தியாவின் உத்திரபிரதேச மாநில சட்டப் பேரவைக்கான தேர்தல் நடைபெற்றுக் கொண்டிருக்கும் வேளையில், இஸ்லாமியர்களுக்கு பிற்படுத்தப்பட்டோருக்கான 27 சதவீத ஒதுக்கீடில் உள் ஒதுக்கீடு வழங்கப்படும் என மத்திய சட்ட அமைச்சர் சல்மான் குர்ஷித் தெரிவித்த கருத்துக்கள் பெரும் சர்ச்சையை ஏற்படுத்தியதை அடுத்து, அவர் அதற்காக வருத்தம் தெரிவிக்க அந்த சர்ச்சை முடிவுக்கு வந்தது. இந்நிலையில், மத்திய உருக்குத்துறை அமைச்சர் பேனி பிரசாத் வர்மா அதே போன்ற ஒரு கருத்தை தெரிவித்துள்ளார். தேர்தல் ஆணையம் தேவையென்றால் தம்மிடம் விளக்கம் கோரட்டும் எனவும் அவர் தெரிவித்துள்ளார். இப்படியான செயல்பாடுகள் எதை வெளிகாட்டுகின்றன என்பது குறித்து இந்திய தேர்தல் ஆணையத்தின் முன்னாள் தலைமை ஆணையர் டி எஸ் கிருஷ்ணமூர்த்தி அவர்களின் கருத்துக்களை இங்கே கேட்கலாம்.