தி ஆர்ட்டிஸ்ட் பேசாப் படத்துக்கு 3 கோல்டன் க்ளோப் விருதுகள்

கடைசியாக பிரசுரிக்கப்பட்டது: 16 ஜனவரி, 2012 - 14:18 ஜிஎம்டி
தி ஆர்ட்டிஸ்ட் தயாரிப்பாளர் தோமஸ் லாங்மான், நடிகர் ழான் தியூஜார்தன் (Jean Dujardin) , இயக்குநர் மைக்கல் ஹசானாவிசியஸ்

தி ஆர்ட்டிஸ்ட் தயாரிப்பாளர் தோமஸ் லாங்மான், நடிகர் ழான் தியூஜார்தன் (Jean Dujardin) , இயக்குநர் மைக்கல் ஹசானாவிசியஸ்

லாஸ் ஏஞ்சலிஸில் நடைபெற்ற 69வது கோல்டன் க்ளோப் விருது விழாவில் தி ஆர்ட்டிஸ்ட் என்ற கறுப்பு வெள்ளை திரைப்படம் (பேசாப் படம்) மூன்று விருதுகளை வென்றுள்ளது.

இந்தப் பிரான்ஸ் நாட்டு திரைப்படம் சிறந்த நகைச்சுவை, சிறந்த நடிகர் மற்றும் சிறந்த பின்னணி இசை என நகைச்சுவை மற்றும் இசை வகைப்படுத்தலில் மூன்று விருதுகளையும் தட்டிக்கொண்டுள்ளது.

இந்தத் திரைப்படம் ஆஸ்கர் விருதுக்கும் பரிந்துரைக்கப்பட்டுள்ளமை குறிப்பிடத்தக்கது.

தி அயர்ன் லேடி திரைப்படத்தில் மார்கிரட் தாட்சர் பாத்திரத்தில் நடித்த மெரில் ஸ்ட்ரீப் திரைநாடக வகைப்படுத்தலில் சிறந்த நடிகைக்கான விருதினை வென்றுள்ளார்.

மார்கிரட் தாட்சராக மெரில் ஸ்ட்ரீப்

மார்கிரட் தாட்சராக மெரில் ஸ்ட்ரீப்

மார்கிரட் தாட்சர் வேடத்தில் நடித்து கிடைத்த கோல்டன் க்ளோப் விருதுக்காக நன்றி கூறிய மெரில் ஸ்ட்ரீப், இங்கிலாந்து வரலாற்றுடன் தன்னையும் சேர்த்துக்கொண்டமைக்காக நன்றி கூறுவதாக விருது மேடையில் தெரிவித்தார்.

சுமார் 30 ஆண்டுகளுக்கும் அதிககாலம் சினிமாத் துறையில் இருந்து பல விருதுகளை வென்றுள்ளவரான மெரில் ஸ்ட்ரீப் நடித்து 2011 இல் வெளியான தி அயர்ன் லேடி திரைப்படம் அடுத்து நடக்கவுள்ள ஆஸ்கர் விருதுகளுக்காகவும் பரிந்துரைக்கப்பட்டுள்ளமை குறிப்பிடத்தக்கது.

20ம் நூற்றாண்டில் பிரிட்டனில் நீண்டகாலம் பிரதமராக பணியாற்றிய இரும்புப் பெண்மணியாகத் திகழ்ந்த மார்கிரட் தாட்சரின் அரசியல் வாழ்க்கையை மையப்படுத்தி தி அயர்ன் லேடி திரைப்படம் எடுக்கப்பட்டிருந்தது.

இதுதவிர, மை வீக் வித் மர்லின் என்ற திரைப்படத்தில் நடித்த மிச்சேல் வில்லியம்ஸ் நகைச்சுவை மற்றும் இசை வகையில் சிறந்த நடிகையாக கோல்டன் க்ளோப் விருது பெற்றார்.

திரை நாடகங்கள் வரிசையில், த டிஸின்டன்ட்ஸ் சிறந்தப் படம் மற்றும் சிறந்த நடிகர் (ஜோர்ஜ் க்ளூனி) ஆகிய இரண்டு விருதுகளைப் வென்றுள்ளது.

தொடர்புடைய விடயங்கள்

BBC © 2014 வெளியார் இணையதளங்களில் இருக்கும் தகவல்களுக்கு பிபிசி பொறுப்பாகாது

(CSS) ஸ்டைல் ஷீட் வசதியுள்ள இணைய உலவிகளில்தான் இந்த பக்கத்தை ஒழுங்காகப் பார்க்க முடியும். தற்போது நீங்கள் வைத்துள்ள உலவியிலேயே இப்பக்கம் தெரியும் என்றாலும், இப்பக்கத்தின் முழுமையான காட்சி அனுபவத்தை நீங்கள் பெற இயலாது. உலவியின் புதிய பதிப்பு ஒன்றைப் பெறுவது பற்றி பரிசீலிக்கவும், அல்லது உங்கள் உலவியில் ஸ்டைல் ஷீட் வசதி இருந்தால், அது செயல்பட அனுமதிக்கவும்.