ஐரோப்பாவில் இரும்புக் கால நாணயங்கள் கண்டுபிடிப்பு

கடைசியாக பிரசுரிக்கப்பட்டது: 26 ஜூன், 2012 - 10:33 ஜிஎம்டி

ஜெர்ஸியில் கண்டுபிடிக்கப்பட்டுள்ள நாணயங்கள்

மனிதன் இரும்பைப் பயன்படுத்த ஆரம்பித்த காலத்தைச் சேர்ந்த பெருமளவிலான நாணயங்கள் பிரிட்டனுக்கும் பிரான்ஸுக்கும் இடையில் இருக்கும் ஜெர்ஸி தீவில் கண்டுபிடிக்கப்பட்டுள்ளன.

இரும்புக் காலத்தைச் சேர்ந்த நாணயங்கள் ஐரோப்பாவில் இதற்கு முன் இந்த அளவுக்கு கண்டெடுக்கப்பட்டதில்லை .

ரோமானிய மற்றும் கெல்டிக் காலப் பகுதிகளைச் சேர்ந்த இந்த நாணயங்கள் இரண்டாயிரம் வருடத்துக்கும் பழமையானவை.

உலோகங்களை கண்டறியும் கருவிகள் மூலம் இரு ஆடவர்களால் இவை கண்டுபிடிக்கப்பட்டுள்ளன.

இந்த நாணயங்கள் கண்டுபிடிக்கப்பட்டுள்ள பகுதியில் முப்பது ஆண்டுகளுக்கு முன்னர் ஒரு விவசாயியால் வெள்ளி நாணயங்கள் தோண்டி எடுக்கப்பட்டன என்று தகவல்கள் பரவியதை அடுத்து, இந்த இருவரும் அப்பகுதியில் உலோகங்களை கண்டறியும் கருவிகள் மூலம் தேடுதல்களை நடத்திவந்தனர்.

ஜெர்ஸி தீவுப் பகுதியில் தற்போது கண்டுபிடிக்கப்பட்டுள்ள பெருமளவிலான இரும்புக் காலத்து நாணயங்களின் மதிப்பு பல மில்லியன் டாலர்கள் அளவுக்கு இருக்கக் கூடும் என்று தொல்பொருள் ஆய்வாளர்கள் கூறுகிறார்கள்.

எனினும் இவற்றின் மதிப்பைக் கண்டறிய பல மாதங்கள் ஆகலாம்.

BBC © 2014 வெளியார் இணையதளங்களில் இருக்கும் தகவல்களுக்கு பிபிசி பொறுப்பாகாது

(CSS) ஸ்டைல் ஷீட் வசதியுள்ள இணைய உலவிகளில்தான் இந்த பக்கத்தை ஒழுங்காகப் பார்க்க முடியும். தற்போது நீங்கள் வைத்துள்ள உலவியிலேயே இப்பக்கம் தெரியும் என்றாலும், இப்பக்கத்தின் முழுமையான காட்சி அனுபவத்தை நீங்கள் பெற இயலாது. உலவியின் புதிய பதிப்பு ஒன்றைப் பெறுவது பற்றி பரிசீலிக்கவும், அல்லது உங்கள் உலவியில் ஸ்டைல் ஷீட் வசதி இருந்தால், அது செயல்பட அனுமதிக்கவும்.