Хуршед гирифт

  • 20 Март, 2015
Image copyright Reuters

Яке аз бузургтарин хуршедгирифтагиҳои солҳои ахир аз соъоте пеш оғоз шудааст.

Ин хуршедгирифтагӣ аз он назар ҷолиби таваҷҷуҳ аст, ки таи рух доданаш фосилаи замину моҳ дар тӯли чандин сол ба камтарин мизони худ мерасад ва моҳ сояи бузургтаре рӯйи замин меандозад.

Дар баъзе нуқоти Бритониё ва Урупо ба далели абрӣ будани ҳаво ин кусуф қобили мушоҳида нест.

Мутахассисон тавсия мекунанд, ки бо чашми ғайримусаллаҳ хуршедгирифтагиро тамошо накунед.

Image copyright PA

Кусуфи имсол дар манотиқи наздик ба Қутби Шимол комил аст ва барои муддате моҳ комилан хуршедро мепӯшонад.

Дар нуқоти шимолии Искотланд моҳ то 98 дарсад сатҳи хуршедро мепӯшонад ва ин дарсад дар манотиқи ҷанубӣ то 85 дарсад аст.

Дар шимоли Офриқо ва бахшҳое аз Ховари Миёна низ кусуфи ҷузъи қобили мушоҳида аст.

Image copyright AFP

Дар Эрон манотиқи шимоли ғарбии кишвар хуршедгирифтагии бузургтареро таҷруба мекунанд ва ҳудуди соъати 1:55 ба вақти маҳаллӣ то 10 дарсади хуршед дар устонҳои Ардабил ва Озарбойҷони Шарқӣ ва Ғарбӣ зери моҳ меравад.

Тоҷикистон ҳам кусуфи ҷузъиро таҷруба мекунад.