Бозрасони ожонс аз таъсисоти Қум боздид карданд

Чаҳор бозраси Ожонси Байналмиллалии Энержии Атумӣ, ки ба Эрон сафар кардаанд, рӯзи якшанбе, 25 октябр (3 обон) аз таъсисоти ғанисозӣ дар атрофи шаҳри Қум, ки вуҷуди он ахиран ба таври расмӣ эълом шуд, боздид кардаанд.

Ин гурӯҳ аз бозрасони Ожонси Байналмиллалии Энержии Атумӣ шаби гузашта ба манзури боздид аз таъсисоти ҳастаии Қум вориди Эрон шудаанд.

Хабаргузории "Меҳр" гузориш дода, ки бозрасони Ожонси Байналмиллалии Энержии Атумӣ аз таъсисоти атрофи Фурду дар атрофи шаҳри Қум дидор кардаанд ва қарор аст дар чанд навбат аз таъсисоти Фурду боздид кунанд.

Қарор аст бозрасони ожонс то рӯзи 27 октябр дар Эрон бимонанд.

Интизор меравад бар асоси тавофуқи қаблӣ бозрасони ожонс, ки ҳамагӣ барои аввалин бор ба Эрон сафар кардаанд, имкони дастрасӣ ба таъсисоти ҳастаии Эронро, ки дар куҳҳои атрофи шаҳри Қум воқеъ шуда пайдо кунанд ва то се рӯз дар Эрон бимонанд.

Ҳарчанд вуҷуди таъсисот ба таври расмӣ дар рӯзи ҷумъаи 23 сентябр аз суи Эрон эълом шуд, аммо Ҷон Лойн, гузоришгари пешини Би-би-сӣ дар Теҳрон мегӯяд Эрон ба ин далел вуҷуди таъсисоти ҷадидро эълом кард, ки мутаваҷҷеҳ шуд дастгоҳҳои иттилоъотии ғарбӣ аз вуҷуди он огоҳ шудаанд.

Ин гузоришгар ҳамчунин муътақид аст аз замони эъломи вуҷуди ин таъсисот ва таъини замони бозрасии ожонс аз он то кунун Эрон фурсати кофӣ дар ихтиёр доштааст то ҳар гуна таҷҳизот ё шавоҳиде, ки эҳтимолан метавонист Эронро мусаммам ба дастёбӣ ба таслиҳоти ҳастаӣ нишон диҳадро аз ин макон хориҷ кунад.

Ин боздид, ки аз қабл ва дар замони сафари раиси Ожонси Байналмиллалии Энержии Атумӣ ба Эрон (дар рӯзҳои аввали моҳи октябр) барномарезӣ шуда буд, пас аз он сурат мегирад, ки мушкилоте дар роҳи тавофуқи Эрон бо Русия, Фаронса ва Омрико барои ғанисозии бештари урониюми Эрон дар хориҷ аз хоки ин кишвар эҷод шуд.

Бар асоси тарҳе ки таҳти назорати Ожонси Байналмиллалии Энержии Атумӣ ба Эрон пешниҳод шудааст, Эрон ҷиҳати таъмини сӯхти мавриди ниёзи реоктури таҳқиқотии худ дар Теҳрон метавонад бахше аз урониюми 3,5 дарсади худро ба Русия бифиристад, то пас аз ғанисозии бештар (то 20 дарсад) ва табдили он ба милаҳои сӯхт тавассути Фаронса, моддаи лозим барои фаъолияти реоктури Теҳронро дарёфт кунад.

Бо ин ҳол мақомҳои эронӣ бо вуҷуди он ки дар ҷараёни музокироти рӯзи аввали октябр дар Женев "мувофиқати усулии" худро бо ин тарҳ эълом кардаанд , аммо дар ҷараёни музокирот барои дарёфти пешниҳоди ниҳоӣ се кишвари Русия, Фаронса, Омрико, ки дар рӯзи 19 октябр баргузор шуд ва Эрон ҳайате на чандон баландпояро ба Вйен (Вена), мақари Ожонси Байналмиллалии Энержии Атумӣ эъзом кард, тардидҳое дар бораи пойдор мондани "мувофиқати усулии" гузашта эҷод шуд ва дар рӯзҳои ахир низ мақомҳои Эрон эълом карданд, тарҷеҳ медиҳанд сӯхти мавриди ниёзи худро мустақиман аз бозор бихаранд.

Соъоте пеш аз сафари бозрасони Ожонси Байналмиллалии Энержии Атумӣ ба Эрон Борок Убомо, раиси ҷумҳури Омрико дар гуфтугӯе телефунӣ бо Никуло Соркузӣ, раиси ҷумҳури Фаронса ва Дмитрий Медведев, раиси ҷумҳури Русия аз онҳо ба хотири нақше, ки дар таҳияи пешниҳоди ахир барои фурӯши урониюми ғанишуда ба Эрон ифо карданд, ташаккур кард.

Эрон эълом кардааст, ки назари ниҳоии худро дар рӯзҳои отӣ ва дар ҳафтаи ҷорӣ эълом мекунад.