Баҳои нефт ба болотарин ҳад дар соли 2009 расид

Раванди суъудии баҳои нефт ба далели заъфи дулори Омрико ва беҳбуди амалкарди ширкатҳои омрикоӣ идома ёфта ва ба болотарин ҳад аз оғози соли 2009 то кунун расидааст

Нефти хоми Омрико рӯзи душанбе дар бозори Ню-йурк як дулору 8 сент афзоиш ёфт ва дар поёни рӯз 79 дулору 61 сент муъомила шуд. Дар ҳамин ҳол баҳои нефти Брент дар бозори Лондон 78 сент боло рафт ва ба 77 дулору 77 сент расид.

Баҳои нефт ҳафтаи гузашта пас аз интишори натоиҷи амалкарди бонкҳои омрикойӣ, ки боъиси хушбинӣ нисбат ба иқтисоди ҷаҳонӣ шуд, ҷаҳише ногаҳонӣ дошт.

Таҳлилгарон гуфтанд, ки баҳои нефт дар кӯтоҳмуддат ба вазъияти дулор ва даври баъдии натоиҷи амалкарди ширкатҳо бастагӣ дорад.

Ва ин ҳисси эҳтиёт дар миёни нозирон вуҷуд дорад, ки раванди афзоиши баҳои мушоҳидашуда дар рӯзҳои ахир бароҳатӣ метавонад маъкус шавад.

Муассисаи "Ҷи-би-сӣ энержӣ" дар Вена гуфт, ки "тараққии чашмгир ахиран беш аз ҳар чизе ношӣ аз хушбинии бозорҳо ва авзоъи бозорҳои молӣ буд ва на авомили бундӣ" ва афзуд, ки "ҳеҷ далел надорад", ки баҳо бори дигар ба маҳдудаи 65 то 75 дулор барнагардад.

Ин муассиса муътақид аст, ки пас аз тасбити муҷаддади авомили бунёдии таъйинкунандаи баҳо, қимати нефт эҳтимолан уфт хоҳад кард на ин ки афзоиш ёбад.

"Ҷи-би-сӣ" истидлол кард, ки ин авомил шомили зарфияти изофии тавлид, суди кам барои полоишгоҳҳо, як "мозоди захираи азим" дар маҳсулоте монанди гозуел ва нефти сафед ва заъфи тақозо дар миёни кишварҳои санъатӣ аст.

Дар соъати нахусти муъомилоти рӯзи душанбе арзиши дулор дар муқобили евро уфт кард ва ба 1.4940 расид, ки тақрибан 1.4967 дар ҳафтаи пеш аст, ки пойинтарин рақам барои дулор муқобили евро дар 14 моҳи ахир будааст