Конодо кордори Эронро фаро хонд

Давлати Конодо аз эҳзори кордори Эрон дар шаҳри Утово ва эътирози ин кишвар ба боздошти Мозёр Баҳорӣ, филмсоз ва рӯзноманигори эронӣ-конодоӣ хабар дод.

Оқои Баҳорӣ, ки ба унвони хабарнигори ҳафтаномаи омрикоии "Нюзвик" дар Эрон фаъолият кард, дар нимаи дувуми моҳи июн ва дар пайи шиддат гирифтани эътирозҳо дар Эрон ба натиҷаи интихоботи раёсати ҷумҳурӣ боздошт шуд ва Лоренс Кенун, вазири хориҷаи Конодо дар баёнияе илова бар эъломи хабари эҳзори кордори Эрон, аз идомаи боздошти ин хабарнигор ибрози нигаронӣ намуд.

Вазири хориҷаи Конодо дар баёнияи худ эълом кард Баҳром Қосимӣ, кордори Эрон дар пойтахти Конодо, ба вазорати хориҷаро фаро хонда ва "дархости Конодо барои фароҳам кардани фаврии имкони дастрасии мақомҳои кунсулии Конодо дар Эрон ба ӯ, баҳраманд шудани ин хабарнигор аз куллия ҳуқуқ ва ҳимоятҳои қонунӣ ва эъломи сареҳи иттиҳомҳое матраҳшуда алайҳи ӯро дубора матраҳ кард."

Вазири хориҷаи Конодо ҳамчунин дар баёнияи худ бори дигар аз беэътиноии Эрон ба мавориди бунёдини ҳуқуқи башар, аз ҷумла озодии баён, ки бетаваҷҷуҳӣ ба он амдан идома дорад", ибрози нигаронӣ кард.

Иттилоъияи вазорати хориҷаи Конодо дар шароите мунташир шуда, ки сойти ин вазоратхона бо таъкид бар ин масъала, ки тобеъияти конодоии шаҳрвандони худ, ки аз тобеъияти дугона бархурдорандро ба расмият намешиносад, шаҳрвандони конодоиро аз "куллия сафарҳои ғайризарурӣ ба Эрон" барҳазар доштааст.

Бо ин ҳол, вазири хориҷаи Конодо дар баёнияи худ таъкид карда, ки Конодо ба талошҳои худ ҷиҳати таҳти фишор гузоштани Эрон барои анҷоми иқдоме, ки ба ҳалли масъалаи оқои Баҳорӣ мунҷар шавад, идома хоҳад дод.

Баёнияи вазорати хориҷаи Конодо дар шароите мунташир шуда, ки бархе сиёсатмадорони хориҷ аз давлати ин кишвар ҳам, мақомҳои давлатии Конодоро барои анҷоми иқдоме ҷиҳати озодии оқои Баҳорӣ таҳти фишор гузоштаанд.

Аз ҷумла Ҷек Литун, раҳбари Ҳизби Демукротики Навин (NDP)-и Конодо бо интишори баёнияе дар рӯзи панҷшанбе, 9 июл, ҳодисаи қатли Заҳро Козимӣ, дигар хабарнигори эронӣ-конодои (дар соли 2003)-ро ёдовар шуд ва навишт: "Давлати Конодо то замоне, ки аз озодӣ ва амнияти оқои Баҳорӣ мутмаин нашуда, набояд даст аз талош бикашад.

Хонум Козимӣ, ки дар ҳангоми марг 54 сол син дошт, ба далели аксбардорӣ дар атрофи зиндони Эвин боздошт шуд ва дар ҳангоми боздошт дар зиндони Эвин ба қатл расид.

Қатли ин хабарнигор боъиси эҷоди танише тӯлонимуддат дар равобити Эрон ва Конодо шуд.