Дар асари бархӯрди як қатор бо чанд монеъ дар яке аз шулӯғтарин истгоҳҳои қатори Буэнус Ойрес, пойтахти Оржонтин, 49 нафар кушта шудаанд.
Дар ин ҳодиса беш аз шашсад нафар низ маҷрӯҳ шудаанд.
Ин қатор, ки ҳомили теъдоди зиёди мусофир буд, дар соъоти пуриздиҳом бо чанд монеъ дар истгоҳ бархӯрд кард.
Вазири таробарии Оржонтин гуфтааст, ба назар мерасад, ки турмузи қатор нақз доштааст.
Имдодгарон барои берун кашидани аҷсод ва наҷоти мусофироне, ки дар қатор ба дом уфтодаанд, талош мекунанд, аммо теъдоди зиёде ҳанӯз дар қатор гирифтор ҳастанд.
Шоҳидон гуфтаанд, ки суръати қатор ҳангоми тасодуф беш аз ҳад зиёд буд.
Бахшҳои бузурге аз шабакаи роҳи оҳани Оржонтин қадимӣ ва ниёзманди таъмири асосӣ ҳастанд.
Ҳаводиси мушобеҳи ҳодисаи ахир дар солҳои гузашта чандин бор иттифоқ уфтодаанд.
Дар сентябри гузашта низ ёздаҳ нафар дар Буэнус Ойрес дар тасодуфи ду қатор кушта шуданд.
Ҳодисаи ахир бадтарин тасодуфи шабакаи роҳи оҳани Оржонтин дар тӯли 42 соли гузашта аст.
