Нови ҳавопаймобари Оброҳом Линкул ба ҳамроҳи як размнов ва новшикани омрикоӣ аз тангаи Ҳурмуз убур кардааст
Нови ҳавопаймобари Оброҳом Линкулн барои дуввумин бор дар ҳафтаҳои ахир бидуни ҳодиса аз тангаи Ҳурмуз, дар наздикии обҳои соҳилии Эрон, убур кардааст
Ин нови ҳавопаймобарро як размнов ва як новшикани омрикоӣ ҳамроҳӣ мекарданд.
Касро Ноҷӣ, хабарнигори Би-би-сии форсӣ, ки дар аршаи нови Оброҳом Линкулн ҳузур дорад, мегӯяд, ки ҳамзамон бо убури ин новгон аз наздикии обҳои соҳилии Эрон дар ҳаволии ҷазираи Абумӯсо як киштии эрон ба он наздик шуд ва то ҳудуди се килуметрии ин новгон ҷилав омад, вале баъд аз он дур шуд.
Ӯ гуфт, ки як соъат баъд вақте новгон дар ҳоли убур аз даҳонаи тангаи Ҳурмуз буд, як ҳавопаймои низомии нерӯи ҳавоии Эрон ҳам аз фосилае наздик парвоз кард ва ин корвонро зери назар доштааст.
Ба дунболи тасвиби таҳрими хариди нафти Эрон аз сӯйи Иттиҳодияи Урупо мақомоти расмии Эрон таҳдид карданд, ки мумкин аст дар иқдоме мутақобил тангаи Ҳурмузро масдуд кунанд.
Баровард мешавад, ки наздики ба 20 дарсади нафти хоми масарфии ҷаҳон аз тангаи Ҳурмуз убур мекунад ва масдуд шудани ин масир метавонад таъсири қобили таваҷҷуҳе бар таҳаввулоти байналмилалӣ дошта бошад.
Хабарнигори Би-би-сии форсӣ дар аршаи нови ҳавопаймобари Оброҳом Линкул мегӯяд, ки ин нов ҷойгузини нови дигаре хоҳад шуд, ки ҳамакнун дар дарёи Уммон мустақарр аст ва паёми ин омаду шудҳо ин аст, ки бо вуҷуди таҳдидҳои Эрон, Омрико худро мутаъаҳҳид медонад, ки ин шоҳроҳи тиҷорати ҷаҳониро боз нигаҳ дорад.
Камарзтарин бахши тангаи Ҳурмуз, ки дар ҳадди фосили Эрону Иморот қарор дорад, 21 мойли дарёӣ (муъодили ҳудуди 40 килуметр) арз дорад.
Хабарнигори Би-би-сӣ мегӯяд, ки вақте нови Оброҳом Линкул дар ҳоли убур аз бахши камарзи тангаи Ҳурмуз буд, тамоми ҷетҳои ҷанганда дар аршаи ин нов мустақарр буданд, вале болгардҳои нерӯи дарёии Омрико бар фарози он парвоз мекарданд.
Ӯ мегӯяд, ба вузӯҳ мушаххас буд, ки амалиёти убури ин нови ҳавопаймобар аз тангаи Ҳурмуз бо диққат тарроҳӣ ва барномарезӣ шудааст ва вақте сахттарин бахши ин амалиёти бидуни ҳеч ҳодисае иҷроӣ шуд, киштӣ ибрози хушҳолӣ кард."
Хабарнигори мо мегӯяд, ки дар тайи рӯз яке аз нигарониҳои хадамаи омрикоии ҳозир дар нови Оброҳом Линкулн ин буд, ки мабодо қоиқҳои кӯчак, сареъ ва пурқудрати Сипоҳи посдорон барои онҳо дардисарофарин шавад.
Ба гуфтаи Касро Ноҷӣ, ин иттифоқ дар ҳини убуру мурури киштиҳои омрикоӣ аз ин маҳдуа рух дода буд, вале рӯзи сешанбе, 14 феврал, чунин иттифоқе рух надод ва ин новгон тавонист бидуни музоҳимат аз тангаи Ҳурмуз хориҷ ва вориди дарёи Уммон шавад.
Моҳи гузашта дар замони убури ин нов аз тангаи Ҳурмуз як киштии ҷангии фаронсавӣ ва новчаи нерӯи дарёии Бритониё онро ҳамроҳӣ мекарданд.
Нови ҳавопаймобари Оброҳом Линкулн, ки барои наздик ба се ҳафта дар халиҷи Форс ҳузур дошт, ҳамзамон бо таҳти назар гирифтани раванди убуру мурури киштиҳо аз тангаи Ҳурмуз ва касби итминони лозим аз ҷарёни доштани раванди омаду шуд дар ин оброҳ дар амалёти низомӣ дар Афғонистон ҳам мушорикат мекунд.
