Вик Тувз: Наметавон иттилоъоти муҳиммро нодида гирифт
Давлати Конодо ба созмони иттилоъотии худ дастур додааст, дар сурати ба хатар уфтодани амнияти умумӣ метавонад аз иттилоъоте, ки аз тариқи шиканҷа ба даст овардааст, истифода кунад.
Ин дастур дар соли 2010 тавассути давлати Конодо содир шудааст. Вазорати амнияти умумии ин кишвар мегӯяд, бар асоси ин қонун маъмурони амниятӣ танҳо метавонанд дар мавориди хоссе аз ин иттилоъот истифода кунанд.
Ин вазоратхона мегӯяд, ҳадаф аз содир кардани ин дастур иҷоза додан ба маъмурон барои истифода аз шиканҷа нест.
Аммо бархе аз сиёсатмадорон ва гурӯҳҳои ҳуқуқи башари Конодо ин ҳаракатро маҳкум кардаанд.
Созмони афви байналмилал ҳам аз ин дастур интиқод кардааст.
Тибқи дастуре, ки дар соли 2009 тавассути давлати муҳофизакори Конодо содир шуд, ба созмони амниятии Конодо, Си-эс-ой-эс, гуфта шуда буд, ки маъмурон дар сурати лузум ҳаққ доранд аз иттилоъоти ба даст омада аз тариқи шиканҷа истифода кунанд.
Аммо дар соли 2010 давлати Конодо дастури дигареро содир карда, ки адр он мегӯяд, достони чи гунагии ба даст омадани иттилоъот аз созмонҳои хориҷӣ ғайримумкин аст ва агар дар шароите хосс ин навъ иттилоъот нодида гирифта шавад, амнияти умумиро ба хатар хоҳад андохт.
Бино ба гузориши хабаргузории Прес Конодо, созмони Конодо мегӯяд: "Дар чунин шароите дастгоҳи амниятии Конодо бояд амнияти кишвар ва зиндагии мардумро дар арҷаҳият қарор диҳад ва иттилоъотро дар ихтиёри созмонҳои дигар бигзорад."
Вик Тувуз, вазири амнияти умумии Конодо, дар маҷлиси ин кишвар гуфт: "Иттилоъоти ба даст омада аз тариқи шиканҷа ҳамеша нодида гирифта мешавад, аммо оё метавон амнияти кишвар ва фардеро ба хатар андохт?"
Боб Рей, раҳбари ҳизби Озодихоҳи Конодо, ҳам қонунӣ будани ин дастурро зери суол бурда ва мегӯяд, иттилоъоти ба даст омада аз тариқи шиканҷа "муътабар" ва "муҷоз" нест.
Давлати Конодо дар бораи фишорҳои мухолифин ҳанӯз мавзеъгирӣ накардааст.
