Таҳримҳои шадиди нафтии Омрико ва Ғарб алайҳи Эрон бо мухолифати Чин рӯ ба рӯ будааст
Чин дар талош аст, то барои ҷуброни коҳиши воридоти нафт аз Эрон нафти мавриди ниёзи худро аз манобеъи дигар тамъин кунад, агарчи бар асоси бархе аз гузоришҳо, мақомоти Пекин дар айни ҳол талош мекунанд, то бо мақомоти эронӣ дар хусуси қимати арзонтари нафт ба тавофуқ бирасанд.
Манобеъи хабарии санъати нафт ва энержӣ ба хабаргузории Руйтерз гуфтаанд, ки дар чанд моҳи гузашта Чин аз Арабистони Саъудӣ ба мизони қобили таваҷҷуҳе нафт ворид кардааст.
Ин хабаргузорӣ бар асоси додаҳои нафтии манобеъи УПЭК гузориш кардааст, ки тавлиди Арабистони Саъудӣ дар моҳи декабри соли гузаштаи мелодӣ 9 милюну 760 ҳазор бушка дар рӯз буда ва дар моҳи январ низ дар ҳамин сатҳ мондааст. Ин мизон 360 ҳазор бушка дар рӯз аз тавлиди моҳи октябри Арабистон болотар аст. Ба гузориши Руйтерз, манобеъи мухталифе таъйид кардаанд, ки Чин бахши қобили таваҷҷуҳе аз ин нафтро харидааст.
Ҳамчунин Чин, ки дуввумин масрафкунандаи нафт дар дунё аст, бар асоси гузоришҳо дар чанд моҳи гузашта мақодире нафт аз кишварҳои ғарби Офриқо, Русия ва Устролиё ҳадафи ҷойгузинии коҳиши воридоти нафти худ аз Эрон ворид кардааст.
Чин ҳудуди 30 дарсад аз нафти масрафии худро аз Эрон ворид мекунад, аммо аз авоили соли ҷории мелодӣ ҳудуди 300 ҳазор бушка нафт дар рӯз аз ин воридот коста аст. Бар асоси гузориши хабаргузории Руйтерз, ин мизони каме беш аз нисфи кулли воридоти рӯзонаи Чин аз Эрон дар соли гузаштаи мелодӣ аст.
Пештар ба нақл аз манобеъи санъати нафти Чин гузориш шуда буд, ки дар пайи ихтилофи се моҳаи Чин бо Эрон бар сари баҳои нафти воридотӣ аз Эрон ширкатҳои чинӣ тасмим доранд воридоти нафти хом аз Эронро аз моҳи марти соли ҷорӣ ба нисфи мизони соли гузашта коҳиш диҳанд.
Чин аз харидорони аслии нафти хоми Эрон аст ва ҳудуди ду ҳафта пеш ҳам гузориш шуда буд, ки ширкатҳои чинӣ, зоҳиран бо ҳадафи хариди нафти Эрон ба баҳои нозилтар ва бо шароити муносибтар нафти камтаре аз Эрон ворид мекунанд.
Ҳамзамон Онгело Меркел, садри аъзами Олмон, ба Чин сафар карда ва ба гуфтаи хабаргузориҳо дар мулоқот бо мақомоти чинӣ аз онон хоста, то воридоти нафт аз Эронро коҳиш диҳанд ва арзакунандагони дигари нафтро ҷойгузини ин кишвар кунанд.
Чин аз харидорони аслии нафти хоми Эрон аст
Иқдоми хонуми Меркел дар ростои таҳримҳои шадиди Омрико ва Ғарб алайҳи Эрон аст, ки шомили таҳрими Бонки марказии Эрон аз сӯйи Бритониё ва қатъи воридоти нафт аз Эрон аз сӯйи Иттиҳодияи Урупо дар чанд моҳи оянда аст.
Таҳримҳои шадиди нафтии Омрико ва Ғарб алайҳи Эрон бо мухолифати Чин рӯ ба рӯ будааст.
Ҷумҳурии Халқи Чин рӯзи панҷшанбе (26 январи 2012) бо интиқод аз вазъи таҳрими хариди нафти Эрон аз сӯйи Иттиҳодияи Урупо ин иқдомро ғайрисозанда тавсиф кард. Эрон севвумин манбаъи аслии таъмини нафти воридотии Чин аст.
Ба гузориши Руйтерз, қарор аст мақомоти чинӣ ба зудӣ барои гуфтугӯ перомуни қарордодҳои ҷадид бо мақомоти эронӣ дидор кунанд. Бархе аз таҳлилгарон муътақиданд ки иқдомоти Чин дар коҳиши хариди нафт мумкин аст бахше аз талоши ин кишвар барои мутақоъид сохтани Эрон ба фурӯши нафт бо қимати арзонтар бошад.
Дар айни ҳол, бархе аз таҳлилгарон муътақиданд, ки таваққуфи содироти нафт аз Эрон қиматҳои ҷаҳониро афзоиш хоҳад дод.
Авохири моҳи январ Сандуқи Байналмилалии Пул дар гузорише ба Гурӯҳи 20 ҳушдор дод
اواخر ماه ژانویه صندوق بینالمللی پول در گزارشی به گروه ۲۰ هشدار داد که در صورت توقف صادرات نفت ایران بر اثر تحریمهای آمریکا و اتحادیه اروپا، قیمتهای جهانی نفت ممکن است بین ۲۰ تا ۳۰ درصد افزایش یابد. گروه ۲۰ شامل بیست قدرت برتر اقتصادی دنیا است.
