Бино ба иттилоъи вазорати молияи Тоҷикистон қарор аст, дар соли 2012 давлати ин кишвар барои таъмири нерӯгоҳи Роғун 1.1 милёрд сомонӣ тахсис бидиҳад.
Дар ин бора Сафаралӣ Наҷмиддинов, вазири молияи Тоҷикистон дар нишасти хабрии солонаи ин вазорат хабар дод.
Оқои Наҷмиддинов ҳамчунин хабар дод, маболиғе, ки ба ҳисоби Роғун ворид шудаанд, 25 милюн сомонӣ даромад овардааст.
Вай гуфт, бахше аз ин маболиғ бояд барои таъмир нерӯгоҳи Роғун масраф шавад.
Зимнан бахше аз маболиғе, ки мардум бо онҳо саҳҳоми Роғун харидорӣ кардаанд, аз моҳи августи соли 2010 ба ин сӯ дар панҷ бонки тиҷоратии кишвар - “Амонатбонк”, “Агроинвестбонк”, “Тоҷпромбонк”, “Фонобонк” ва “Тоҷиксодиротбонк” нигаҳдорӣ мешавад.
