Владимир Путин, нахуствазири Русия ва номзади ҳизби ҳокими Русияи Муттаҳид дар интихоботи раёсати ҷумҳурӣ дар моҳи март мухолифони худро "фоқиди ҳадафи мушаххас ва раҳбарии муассир" дониста ва бо такзиби иддаъои онон дар мавриди тақаллуб дар интихоботи ахири порлумонӣ дархости ибтоли натиҷаи интихоботро рад кардааст.
Оқои Путин дар суханони худ, ки пас аз тазоҳуроти густурда дар рӯзи шанбеи мухолифон дар Маскав эрод шуда, гуфтааст, ки тазоҳуркунандагон ва аҳзоби мухолиф мекӯшанд, натиҷаи интихоботи порлумонии ахир фоқиди машрӯъият ҷилва диҳанд.
Агарчӣ Владимир Путин ҳамчунон қудратмандтарин номзади интихоботи раёсати ҷумҳурӣ ба шумор меравад, аммо ахиран теъдоде дигаре аз шахсиятҳои сиёсии Русия тасмим гирифтаанд дар баробари ӯ ба рақобат пардозанд.
