Чин бо Вошингтун ва Сеул дар бораи хатти маши муносибат бо Куреи Шимолӣ пас аз марги Ким Ҷунг Ил машваратҳо баргузор кардааст.
Чин эълом карда, ки бо дарназардошти нигарониҳои ҷиддӣ дар мавриди имкони ба бесуботӣ гаравидани вазъият дар минтақа дар ҷараёни табдили ҳукумат дар Куреи Шимолӣ вазоратҳои хориҷаи ин се кишвар тасмим гирифтанд, ки ба манзури нигаҳдории субот дар нимҷазираи Куре дар тамоси наздик боқӣ бимонанд.
Зимнан Ҳу Ҷинтао, раҳбари Чин барои адои эҳтиром аз сафорати Куреи Шимолӣ дар Пекан дидан кардааст. Раҳбарияти Куреи Ҷанубӣ низ ба Пхенян тасаллияти худро иброз доштааст.
Муносиботи ин ду кишвар пас аз он ба сардӣ гаравид, ки мақомоти Сеул дар соли 1994 ба марги Ким Ир Сен, раҳбари қаблии ин кишвари кумунистӣ вокуниш нишон надода буд.
