Влодимир Путин, нахуствазири Русия, дар барномаи солонаи тамоси мустақими телевизиюнӣ бо мардум, коҳиши чашмгир дар орои ҳизби ҳокими Русия дар интихоботи ахири порлумониро мунъаккискунандаи иродаи мардум дониста, аммо дархости мӯътаризон барои ботил кардани интихоботро рад кардааст.
Вай гуфтааст, ки баргузории тазоҳуроти эътирозӣ алайҳи натиҷаи ин интихобот бахше аз созукори демукросӣ аст ва зимни истиқбол аз ҳассосияти ҷавонони мӯътариз нисбат ба шароити сиёсӣ дар Русия афзудааст, ки эътирозот то замоне қобили қабул аст, ки боъиси қонуншиканӣ нашавад.
Влодимир Путин, ки номзади ҳизби ҳоким "Русияи муттаҳид" дар интихоботи раёсати ҷумҳурии оянда дар моҳи март аст, гуфтааст, ки ба манзури итминон аз саломати раъйгирӣ дар ин интихобот дастур хоҳад дод дар тамоми марокизи раъйгирӣ телевизиюни мадорбаста насб шавад.
