Benki za Ulaya kuwekewa sheria

Imebadilishwa: 19 Oktoba, 2012 - Saa 15:45 GMT

Viongozi wa ulaya wamepiga hatua kukaribia kuziweka benki elfu sita za nchi za Jumuiya ya Ulaya chini ya udhibiti wa chombo kimoja cha usimamiaji.

Mpango huo ulitangazwa katika mkutano wa nchi za Jumuiya ya Ulaya mjini Brussels, huku chombo hicho cha usimamizi kikitarajiwa kuanza kazi rasmi mwaka ujao.

Inaonekana ni makubaliano kati ya Ufaransa na Ujerumani ambazo awali zilipingana juu ya muda na idadi ya benki chombo hicho kimoja kitachozisimamia.

Akizungumza katika mkutano huo rais wa Ufaransa, Francois Hollande, amesema ni jambo muhimu kuwa wameafikiana tarehe maalum kuhakikisha mfumo wa sheria unawekwa kwa ajili ya mpango huo.

Bwana Hollande pia amesema kazi zaidi inahitajika kufanyika kabla chombo cha usimamizi hakijaanza kutoa msaada kwa mabenki hapo mwaka kesho.

Taarifa zinazohusiana

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.