BBC navigation

Rais Baraza la Upinzani Syria ajiuzulu

Imebadilishwa: 24 Mei, 2012 - Saa 13:43 GMT

Baraza la Kitaifa la Upinzani nchiniSyria(the SNC) limesema limekubali kujiuzulu kwa Rais wake Burhan Ghalioun, ambaye ameongoza vuguvugu hilo tangu lianze mwezi September mwaka jana.

Limesema Bw Ghalioun ataendelea kuliongoza Baraza hilo mpaka atakapopatikana mrithi wake.

Haijajulikana nani atakuwa kiongozi baada yake.

Bw Ghalioun alishachaguliwa mara tatu, na hivi karibuni mwezi huu lakini uongozi wake katika SNC umekuwa ukikosolewa na wanaharakati hasa wale walio ndani yaSyria.

Baraza hilo la SNC limekuwa likosolewa pia kwa kushindwa kupata ushawishi na kuungwa mkono na Jumuiya ya kimataifa katika harakati zake nchini Syria.

Kwa mujibu wa Umoja wa Mataifa idadi ya watu waliokufa ni zaidi ya watu 9,000 tangu ghasia hizo za kumpinga Rais Assad zianze mwez Machi 2011

Taarifa zinazohusiana

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.