Jeshi Syria 'limekiuka‘ haki za binadamu

Imebadilishwa: 24 Mei, 2012 - Saa 13:33 GMT

Jeshi la Syria linahusika na ukiukwaji wa haki kwa kiasi kikubwa na vitendo vibaya vya uvunjaji wa haki za binadamu tangu mwezi March mwaka huu, kwa mujibu wa ripoti ya Tume ya Umoja wa Mataifa.

Ripoti hiyo imetaja pia mbinu za wapinzani kukiwa na ushahidi wa kukamatwa na kuteswa na pia kuuawa kwa askari.

Wachunguzi wa Umoja wa Mataifa wanasema mgogoro huo unaongezeka kuwa wa kijeshi zaidi.

Kwa mujibu wa Umoja huo wa Mataifa idadi ya watu waliokufa ni zaidi ya watu 9,000 tangu ghasia hizo za kumpinga Rais Assad zianze mwez Machi 2011.

Katika ripoti ya hivi karibuni kuhusu Syria ya miezi ya Machi, April na kwa sehemu Mei, waangalizi kutoka Baraza la Umoja wa Mataifa kuhusu Haki za Binadamu waliteua tume huru ya uchunguzi Syria na kupata matukio ya utesaji na mauaji yaliyofanywa na pande zote mbili Jeshi la Syria na vikosi vya upinzani.

Taarifa zinazohusiana

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.