Ugiriki yashindwa kupata serikali

Imebadilishwa: 12 Mei, 2012 - Saa 06:46 GMT
Evangelos Venizelos

Kiongozi wa chama cha kisoshalisti nchini Ugiriki Evangelos Venizelos

Kiongozi wa chama cha kisoshalisti nchini Ugiriki , Evangelos Venizelos, amesema ameshindwa kuunda serikali, akiwa ni kiongozi wa tatu wa chama hicho kushindwa kufikia malengo yake kufuatia uchaguzi wa jumapili.

Uundwaji wa serikali ya mseto ulikuwa mgumu zaidi baada ya wapigaji kura kuunga mkono kwa kiasi kikubwa vyama vinavyopinga vikali mipango ya kunusuru uchumi iliyobuniwa kwa ajili ya kupunguza madeni ya Ugiriki.

Mazungumzo yanatarajiwa kuhusu uundwaji wa serikali ya dharura.

Kama hilo litashindikana uchaguzi mpya huenda ukafanyika mwezi ujao.

Mwandishi wa BBC aliyeko mjini Arthens anasema, hatma ya Ugiriki miongoni mwa nchi za ukanda wa Euro kwa mara nyingine iko mashakani.

Ujerumani inasema Ugiriki haiwezi kuendelea kupokea madeni ya kimataifa, kama serikali yake ijayo haitaafiki mipango iliyobuniwa ya kunusuru uchumi wake.

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.